Íþróttaráð - 176

Lögð fram til kynningar samantekt ÍBA á fjárhagsáætlunum og ársreikningum aðildarfélaga.

Íþróttaráð hvetur aðildarfélög ÍBA sem ekki hafa skilað inn ársreikningum 2014 og fjárhagsáætlun 2016 til ÍBA um að gera það sem fyrst.

Erindi dagsett 12. október 2015 frá forstöðumanni íþróttamála varðandi rekstrarstyrki til aðildarfélaga ÍBA árið 2015.

Íþróttaráð samþykkir tillögur forstöðumanns íþróttamála og felur honum að vinna málið áfram.

Birna Baldursdóttir L-lista fór af fundi kl. 15:06.

Lögð fram til kynningar úthlutun jafnréttis-/kvennastyrkja 2015.

Erindi dagsett 15. september 2015 frá Rut Jónsdóttur framkvæmdastjóra Fimleikafélags Akureyrar þar sem óskað er eftir styrk frá Akureyrarbæ til þess að starfrækja íþróttaskóla í íþróttamiðstöðinni Giljaskóla/fimleikahúsinu sumarið 2016. Umsögn stjórnar ÍBA fylgir með erindinu.

Íþróttaráð getur ekki orðið við erindinu en tekur undir orð stjórnar ÍBA þar sem íþróttafélög eru hvött til að skoða mögulegt samstarf í þessum efnum.

Erindi dagsett 16. september 2015 frá Sigurði Magnússyni formanni UFA þar sem óskað er eftir styrk í formi aðgangs fyrir afreksmenn félagsins í Sundlaug Akureyrar. Umsögn stjórnar ÍBA fylgir með erindinu.

Íþróttaráð samþykkir erindið.

Íþróttaráð felur forstöðumanni að útfæra framkvæmd og verklag styrkveitinga í formi aðgangs að Sundlaug Akureyrar nánar og kynna fyrir ráðinu.

Erindi dagsett 1. október 2015 frá vinum Hlíðarfjalls þar sem óskað er eftir að samstarfsamningur verði endurnýjaður til næstu þriggja ára. Drög að nýjum samningi fylgja með erindinu.

Íþróttaráð frestar erindinu og óskar eftir að forsvarsmenn Vina Hlíðarfjalls mæti á fund íþróttaráðs.

Umræður um áframhaldandi samstarf og uppbyggingu VMÍ á Akureyri.

Samningur milli Akureyrarbæjar og ríkis vegna VMÍ rann úr árið 2008. Íþróttaráð harmar að ekki hafi náðst samningar við ríkið vegna áframhaldandi uppbyggingar vetraríþróttaaðstöðu á Akureyri.

Íþróttaráð leggur áherslu á að samningar náist sem fyrst og hvetur ríkið til að koma að frekari uppbyggingu í anda markmiða fyrri samninga um eflingu vetraríþrótta.

Erindi ódagsett frá Stefáni Vilberg Leifssyni formanni körfuknattleiksdeilar Þórs þar sem óskað er eftir styrk og undanþágu á viðmiðum íþróttaráðs vegna afgreiðslu jafnréttisstyrkja.

Íþróttaráð frestar erinindinu til næsta fundar.

Erindi dagsett 28. september 2015 frá Eiði Arnari Pálmasyni framkvæmdastjóra Íþróttafélagsins Þórs þar sem félagið óskar eftir 750.000 kr. styrk til að sinna akstri yngstu iðkenda sinna milli skóla og íþróttamannvirkja. Umsögn stjórnar ÍBA fylgir með erindinu.

Íþróttaráð frestar erindinu til næsta fundar.