Íþróttaráð - 162

Lagðar fram til kynningar upplýsingar um vinnu stjórnar Afrekssjóðs Akureyrar vegna viðurkenninga fyrir árið 2014 og styrkja fyrir árið 2015.

Erindi dagsett 7. janúar 2015 frá Crossfit Akureyri (CFA) þar sem CFA óskar eftir leyfi íþróttaráðs til að taka við frístundastyrk Akureyrarbæjar.

Íþróttaráð samþykkir erindið.

Tekið fyrir að nýju erindi dagsett 21. maí 2014 frá formanni ÍBA þar sem óskað er eftir aðkomu Akureyrarbæjar við kostnað nýs æfinga- og keppnisbúnaðar fyrir Íþróttafélagið Draupni í nýrri aðstöðu. Erindið var síðast á dagskrá 10. júlí 2014 þar sem íþróttaráð gerði eftirfarandi bókun: "Íþróttaráð vísar erindinu til gerðar fjárhagsáætlunar fyrir starfsárið 2015. Forstöðumanni íþróttamála, formanni íþróttaráðs og Sigurjóni Jónassyni Æ-lista falið að vinna málið áfram með ÍBA og Draupni."

Íþróttaráð samþykkir að veita Íþróttafélaginu Draupni styrk að upphæð kr. 2.000.000 til búnaðarkaupa.

Erindi ódagsett frá Eiði Arnari Pálmasyni framkvæmdarstjóra Þórs og umsjónarmanni Bogans þar sem óskað er eftir því að skipt verði um gervigras í Boganum sumarið 2015 sökum aldurs, slits, skemmda og slysahættu á núverandi grasi. Meðfylgjandi erindinu er útekt Heilbrigðiseftirlitsins á aðstöðunni.

Formanni og forstöðumanni íþróttamála fali að vinna málið áfram ásamt Fasteignum Akureyrarbæjar.

Lagðar fram til kynningar upplýsingar um vinnu við endurnýjun samskipta- og samstarfssamnings milli Akureyrarbæjar og ÍBA.

Umræður og vinna við starfsáætlun íþróttaráðs 2015-2018 með tilliti til íþróttastefnu Akureyrarbæjar.