Íþróttaráð - 166

Rekstraruppgjör fjárhagsáætlunar íþróttaráðs fyrir árið 2014 lagt fram til kynningar.

Lögð fram til kynningar rekstrarstaða fjárhagsáætlunar íþróttaráðs fyrir janúar og febrúar 2015.

Lagðar fram til kynningar og umræðu hugmyndir um kynjaða áætlunargerð í íþróttamálum.

Íþróttaráð felur forstöðumanni íþróttamála að safna saman upplýsingum um nýtingu frístundaávísana, nýtingu íþróttamannvirkja og iðkendafjölda innan ÍBA með tilliti til kynjaskiptingar.

Tekinn fyrir 10. liður í fundargerð viðtalstíma bæjarfulltrúa dagsett 19. mars 2015, sem bæjarráð vísaði á fundi sínum 26. mars 2015 til íþróttaráðs:

Hildur Friðriksdóttir mætti í viðtalstíma bæjarfulltrúa.

Kom fyrir hönd Sundfélagsins Óðins og ræddi NORA kerfið.

Íþróttaráð felur forstöðumanni íþróttamála að hafa samband við sundfélagið.

Íþróttaráð felur forstöðumanni íþróttamála að safna saman upplýsingum hjá íþróttafélögum innan ÍBA hvernig reynslan er af NORA kerfinu og í framhaldinu kynna fyrir íþróttaráði.

Tekinn fyrir 11. liður í fundargerð viðtalstíma bæjarfulltrúa dagsett 19. mars 2015, sem bæjarráð vísaði á fundi sínum 26. mars 2015 til íþróttaráðs:

Hildur Friðriksdóttir mætti í viðtalstíma bæjarfulltrúa.

Kom fyrir hönd Sundfélagsins Óðins og ræddi fjárhagsstöðu félagsins og tæknibúnað.

Íþróttráð felur formanni og forstöðumanni íþróttamála að vinna málið áfram og hafa samband við sundfélagið.

Lögð fram til kynningar staða mála á verkefninu "Akureyri á iði" sem verður hleypt af stokkunum í maí næstkomandi.

Lagðar fram til kynningar upplýsingar um vinnustaðakeppnina "Hjólað í vinnuna" á vegum Íþrótta- og ólympíusambands Íslands sem fer fram 6.- 26. maí næstkomandi.

Íþróttaráð fagnar átakinu "Hjólað í vinnuna" og að almenn þátttaka hafi verið að aukast á undanförnum árum. Íþróttaráð hvetur fyrirtæki og einstaklinga á Akureyri til þátttöku í verkefninu og taka þannig þátt í að auka almenna lýðheilsu Akureyringa. Íþróttaráð hyggst veita viðurkenningar til þeirra vinnustaða Akureyrarbæjar sem standa sig best.

Farið yfir umgengnisreglur á sparkvöllum sem staðsettir eru við grunnskóla bæjarins.

Íþróttaráð minnir notendur sparkvalla á að fara eftir þeim umgengnisreglum sem í gildi eru og hanga uppi við vellina. Þar kemur m.a. fram að eldri einstaklingum sé heimilt að nota völlinn ef hann stendur ónotaður en skuli víkja tafarlaust ef börn eða unglingar óska afnota af honum.

Lagðar fram tillögur að breytingum á skipulagi og endurbótum á svæði Sundlaugar Akureyrar.

Íþróttaráð samþykkir framlagðar breytingar á skipulagi og endurbótum á lóð Sundlaugar Akureyrar.

Lagðar fram tillögur um endurnýjun aðstöðu í íþróttamannvirkjum bæjarins með tilliti til Unglingalandsmóts UMFÍ 2015.

Íþróttaráð samþykkir tillögurnar og vísar þeim til stjórnar Fasteigna Akureyrarbæjar og óskar eftir að Fasteignir Akureyrarbæjar komi að kostnaði við viðhald og endurnýjun aðstöðu í íþróttamannvirkjum bæjarins.

Lögð fram til kynningar og umræðu drög að starfsáætlunarverkefnum íþróttaráðs 2015-2018.