Íþróttaráð - 173

Erindi dagsett 1. september 2015 þar sem Hjalti Jón Sveinsson f.h. VMA óskar eftir fundi með íþróttaráði, stjórnendum Brekkuskóla, íþróttafulltrúa og framkvæmdastjóra Íþróttahallarinnar vegna nýtingar á Íþróttahöllinni.

Í upphafi þessa dagskrárliðar vakti Birna Baldursdóttir L-lista á því athygli að hún teldi sig vanhæfa að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir íþróttaráð og var það samþykkt með 5 samhljóða atkvæðum.

Birna Baldursdóttir vék af fundi við umræðu og afgreiðslu málsins.

Halldór Kristinn Harðarson L-lista mætti á fundinn undir þessum lið í stað Birnu Baldursdóttur.



Íþróttaráð felur forstöðumanni íþróttamála að boða hlutaðeigandi aðila á fund.

Ingibjörg Ólöf Isaksen og Þórunn Sif Harðardóttir ásamt forstöðumanni íþróttamála verða fulltrúar íþróttaráðs á fundinum.

Halldór Kristinn Harðarson L-lista yfirgaf fundinn og Birna Baldursdóttir tók aftur sæti á fundinum.

Á fundi sínum 23. júlí 2015 vísaði bæjarráð 3. lið úr 93. fundargerð hverfisráðs Hríseyjar dagsett 7. júlí 2015 til íþróttaráðs. Í 3. lið fundargerðar hverfisráðs Hríseyjar segir:

Sundlaug

Hverfisráð óskar eftir því að hægt verði að hafa starf í sundlauginni 100% eins og

var í ljósi atvinnuástands í eyjunni þurfum við á því að halda að íbúar geti stundað atvinnu í Hrísey. Þá er átt við að samtals verði þetta 100% en í dag eru þetta tvær

stöður sem samtals gera 80%. Ljóst er að það þarf að auka við fjárveitingu til sundlaugar ef þetta á að vera hægt. Eins óskar ráðið eftir því að farið verði í kynningu

á þessari glæsilegu aðstöðu sem við höfum hér en lítið sem ekkert hefur verið gert í þeim málum frá opnun þrátt fyrir óskir. Einnig þakkar hverfisráðið fyrir góðan fund með fostöðumanni og framkvæmdarstjóra samfélags- og mannréttindadeildar þar sem rætt var um ráðningar og opnunartíma.

Elín H. Gísladóttir forstöðumaður Sundlaugar Akureyrar mætti á fundinn undir þessum lið.

Íþróttaráð getur ekki orðið við erindinu.

Íþróttaráð bendir á að opnunardögum frá síðasta vetri hefur fjölgað í Íþróttamiðstöð Hríseyjar.

Erindi ódagssett frá Siguróla Magna Sigurðssyni f.h. Knattspyrnufélags Akureyrar þar sem óskað er eftir styrk við rekstur rútu í vetur til að keyra iðkendur á milli skóla og æfinga.

Íþróttaráð samþykkir með fjórum atkvæðum að styrkja verkefnið um kr. 300.000 veturinn 2015-2016.

Árni Óðinsson S-lista sat hjá við afgreiðslu málsins.

Unnið að fjárhagsáætlun fyrir starfsárið 2016.

Lagðar fram til kynningar og umræðu breytingar á stjórn VMÍ.