Bæjarráð - 3576

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Lagt fram erindi frá Brynhildi Pétursdóttur framkvæmdastjóra Neytendasamtakanna þar sem óskað er eftir að bæjarráð endurskoði afstöðu sína sem tekin var í bæjarráði 12. október sl. um erindi dagsett 25. september 2017 frá Neytendasamtökunum þar sem óskað var eftir framlagi til að styðja við starfsemi samtakanna.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir að styrkja Neytendasamtökin um 300.000 kr. á árinu 2018 og vísar kostnaðinum til gerðar fjárhagsáætlunar.

Bæjarstjóri kynnti stöðu mála í viðræðum Akureyrarbæjar við Bjarg íbúðafélag.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

4. liður í fundargerð frístundaráðs dagsett 9. nóvember 2017:

Frístundaráð samþykkir að óska eftir umsögn hagsmunaaðila á íþróttastefnuna og felur deildarstjóra íþróttamála að vinna málið áfram.

Bæjarráð hvetur bæjarfulltrúa til að senda sínar umsagnir um íþróttastefnuna til deildarstjóra íþróttamála eða formanns frístundaráðs.

Lögð fram til kynningar auglýsing um málþing um raforkumál á Íslandi sem haldið verður þriðjudaginn 21. nóvember nk í Hofi á Akureyri. Málþingið hefst kl. 13:00 og stendur til kl. 16:30.

Umfjöllunarefnið er einkum flutningskerfi raforku á Íslandi.

Bæjarstjóri kynnti fyrirhugaða úttekt á stjórnsýslubreytingunum.

Erindi dagsett 13. nóvember 2017 frá Haraldi Þór Egilssyni safnstjóra Minjasafnsins á Akureyri. Í erindinu er boðað til aðalfundar Minjasafnsins fimmtudaginn 30. nóvember nk kl. 14:00 í sal Zontaklúbbsins á Akureyri, Aðalstræti 54.

Bæjarráð felur Þórgný Dýrfjörð deildarstjóra Akureyrarstofu að fara með umboð Akureyrarbæjar á fundinum.

Fylgiskjöl

• Aðalfundur Minjasafnsins.pdf

Lagðar fram til kynningar ályktanir aðalfundar Eyþings sem haldinn var dagana 10. og 11. nóvember sl.

Fylgiskjöl

• Ályktun aðalfundar Eyþings 2017.pdf

Lagður fram til kynningar dómur í máli E-220/2016, Snorri Óskarsson gegn Akureyrarbæ.

Inga Þöll Þórgnýsdóttir bæjarlögmaður sat fund bæjarráðs undir þessum lið.

Fylgiskjöl

• Dómur í máli E-220/2016