Velferðarráð - 1380

Lagt fram til kynningar yfirlit yfir sérstakan húsnæðisstuðning á árinu 2023.

Guðni Örn Hauksson húsnæðisfulltrúi og Anna Marit Níelsdóttir forstöðumaður sátu fundinn undir þessum lið.

Lögð fram tillaga að breytingum á reglum Akureyrarbæjar um sérstakan húsnæðisstuðning, greinargerð dagsett 22. janúar 2024.

Kristín Baldvinsdóttir forstöðumaður, Guðni Örn Hauksson húsnæðisfulltrúi og Anna Marit Níelsdóttir forstöðumaður sátu fundinn undir þessum lið.

Velferðarráð samþykkir þær breytingarnar sem settar voru fram í minnisblaði dagsettu 22. janúar 2024 og felur sviðsstjóra að uppfæra reglurnar um sérstakan húsnæðisstuðning í samræmi við minnisblaðið og leggja fram til síðari umræðu á næsta velferðarráðsfundi.

Lagt fram til kynningar yfirlit yfir úthlutanir leigúíbúða á árinu 2023 og stöðu um áramót.

Guðni Örn Hauksson húsnæðisfulltrúi og Anna Marit forstöðumaður sátu fundinn undir þessum lið.

Velferðarráð óskar eftir uppfærðum gögnum miðað við endurnýjaðar umsóknir í ágúst 2023.

Zane Brikovska félagsráðgjafi fór yfir stöðu mála varðandi þjónustu við útlendinga.

Zane Brikovska og Anna Marit forstöðumaður sátu fundinn undir þessum lið.

Lögð fram drög að samningi milli mennta- og barnamálaráðuneytis og Akureyrarbæjar um greiningar- og þjálfunarheimili.

Vilborg Þórarinsdóttir forstöðumaður og Halldóra Kristín Hauksdóttir lögfræðingur sátu fundinn undir þessum lið.

Velferðarráð fagnar áhuga mennta- og barnamálaráðuneytis á samstarfi við Akureyrarbæ um úrræði í barnavernd þ.e. að stofna og reka greiningar- og þjálfunarheimili.

Velferðarráð samþykkir samninginn fyrir sitt leyti og vísar málinu áfram til bæjarráðs.