Bæjarráð - 3861

Lagt fram árshlutauppgjör janúar-júní 2024.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið. Þá sátu bæjarfulltrúarnir Halla Björk Reynisdóttir, Lára Halldóra Eiríksdóttir og Gunnar Már Gunnarsson undir þessum lið í gegnum fjarfundarbúnað.

Bæjarráð vísar árshlutauppgjöri til umræðu í bæjarstjórn.

Fylgiskjöl

• Árshlutareikningur - Akureyrarbæjar 6 mán 2024m-undirritun.pdf

Lagt fram erindi dagsett 2. september 2024 frá Vigdísi Häsler fyrir hönd Kleifa fiskeldis ehf. þar sem kynnt eru áform fyrirtækisins um uppbyggingu á laxeldi í Ólafsfirði, Siglufirði, Héðinsfirði og Eyjafirði.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð telur ekki forsendu til að taka afstöðu til erindisins á þessu stigi.



Ásrún Ýr Gestsdóttir V-lista óskar bókað:

Ég leggst alfarið gegn eldi í Eyjafirði og vísa í bókun bæjarstjórnar frá 19. maí 2020:

,,Bæjarstjórn Akureyrarbæjar samþykkir að leggja til við sjávarútvegsráðherra að Eyjafjörður verði friðaður fyrir sjókvíaeldi líkt og gert hefur verið með Húnaflóa, Skagafjörð, Skjálfanda, Þistilfjörð, Bakkaflóa, Vopnafjörð og Héraðsflóa. Bæjarstjórn telur að með þeirri ákvörðun verði meiri hagsmunum ekki fórnað fyrir minni en hvetur til uppbyggingar á fiskeldi á landi."

Fylgiskjöl

• Erindi til Akureyrar_lagareldi_020924.pdf

Umfjöllun um fræðslu og faglegan stuðning við stjórnendur vegna viðverustjórnunar.

Birna Eyjólfsdóttir forstöðumaður mannauðsmála og Halla Margrét Tryggvadóttir sviðsstjóri mannauðssviðs sátu fundinn undir þessum lið.

Lagt fram erindi dagsett 4. september 2024 frá Skúla Gunnari Árnasyni fyrir hönd Eims og Sigurborgu Ósk Haraldsdóttur fyrir hönd SSNE vegna þátttöku í RECET verkefninu sem snýst um að efla getu sveitarfélaga til að takast á við orkuskipti í dreifðum byggðum. Óskað er eftir staðfestingu Akureyrarbæjar á því hvort vilji sé fyrir hendi til þátttöku í vinnu við gerð aðgerðaáætlunar í orkuskiptum fyrir hvert og eitt sveitarfélag.

Akureyrarbær staðfestir þátttöku í verkefninu.

Fylgiskjöl

• RECET_staðfesting um samstarf.pdf

Lagt fram erindi dagsett 4. september 2024 þar sem boðað er til aukaþings Samtaka sveitarfélaga og atvinnuþróunar á Norðurlandi eystra, SSNE, sem haldið verður föstudaginn 4. október næstkomandi.

Fylgiskjöl

• BoðHaustþingSSNEokt2024.pdf