Framkvæmdaráð - 327

Stjórn Akureyrarstofu hefur óskað eftir hugmyndum og tillögum inn í markmiða- og verkefnakafla stefnunnar. Albertína Friðbjörg Elíasdóttir verkefnastjóri atvinnumála og María Helena Tryggvadóttir verkefnastjóri ferðamála mættu á fundinn.

Framkvæmdaráð þakkar Albertínu og Maríu fyrir komuna á fundinn.

Skipulagsnefnd hefur óskað eftir umsögn framkvæmdaráðs á tillögum að samþykkt um lokanir gatna í Akureyrarkaupstað.

Framkvæmdaráð telur að komi til lokana um sumartímann þá sé farsælla að þær væru með sama hætti alla sumarmánuðina og þá telur ráðið nauðsynlegt að yfirfara verðskrá umhverfismiðstöðvar í framhaldinu. Framkvæmdaráð telur ekki rétt að Listagilið sé lokað nema í undantekningartilfellum.

Jón Þorvaldur Heiðarsson Æ-lista sat hjá við við afgreiðslu.

Bæjarráð hefur óskað eftir því að framkvæmdaráð skoði verkefni sem fallið gætu undir reglur sjóðsins.

Framkvæmdaráð leggur fram eftirfarandi hugmynd:

Söguskilti í bæjarlandinu.



Aðrar tillögur sem fram komu eru:

Rafræn gönguleiðakort innan Akureyrar sem yrðu aðgengileg í snjallsíma.

Plastpokalaus Akureyri árið 2017.

Þróun og hönnun á rafrænum verkbeiðnum til handa sveitarfélögum.

Kynnt útboðsgögn vegna verksins "Smáverk fyrir Akureyrarbæ 2016-2017".

Jónas Vigfússon forstöðumaður Umhverfismiðstöðvar mætti á fundinn undir þessum lið.

Framkvæmdaráð samþykkir að fara í útboð á smáverkum til tveggja ára.

Hermann Ingi Arason V-lista vék af fundi kl. 10:28.

Kynnt útboðsgögn vegna verksins " Steinefni fyrir malbik 2016-2017.

Jónas Karleson verkfræðingur hjá Verkís mætti á fundinn undir þessum lið.

Framkvæmdaráð þakkar Jónasi fyrir komuna á fundinn og felur bæjartæknifræði að klára útboðsgögnin í samræmi við umræður á fundinum.

Lagðar fram niðurstöður opnunar tilboðs þann 20. apríl 2016 vegna verksins.

Framkvæmdaráð samþykkir að gengið verði til samninga við lægstbjóðanda Finn ehf að upphæð kr. 48.962.000. Hluti framkvæmdadeildar í verkinu er kr. 23.796.000.

Kostnaðaráætlun er kr. 54.115.550.

Ingibjörg Ólöf Isaksen óskar eftir sundurliðuðum heildarkostnaði á Drottningarbrautarstíg.

Umræður urðu um tíðar bilanir á svifryksmælunum og hvernig þau mál standa. Mælarnir eru báðir bilaðir og er Umhverfisstofnun sem eigandi að skoða hvort gera eigi við þá.

Umræður um bókun hverfisráðs Grímseyjar um ástand gámasvæðis. Bæjartæknifræðingur upplýsti fundinn um að farið verði í framkvæmdir sem fyrirhugaðar voru á síðasta ári og komust ekki til framkvæmda.

Einnig var upplýst um íbúafund um nýtt leiðakerfi strætó sem halda á 2. maí nk. í Hofi.

Sæbjörg Sylvía vekur athygli á snjómokstri og upphitun kirkjutrappanna sem er í ólestri. Einnig telur hún ótækt að almenningssalernin undir kirkjutröppunum séu lokuð og að finna þurfi lausn á salernismálum ferðamanna.