Framkvæmdaráð - 305

Lagðar fram og farið yfir tillögur Arnars Jónssonar ráðgjafa hjá Capacent.

Þorsteinn Hlynur Jónsson Æ-lista vék af fundi kl. 10:55.

Farið yfir framkvæmdaáætlun ársins 2015, tillögur að Drottningarbrautarstíg og tillögur að breytingu á gatnalýsingu í göngugötu.

Einnig farið yfir rekstraráætlun ársins 2015, viðhald malbikaðra gatna, sorpmál, snjómokstur næstu skref og hreinsun gatna og stíga.

Framkvæmdaráð óskar eftir því við bæjarráð að viðauki verði gerður við málaflokkinn 108-2110 Sorpmál, að upphæð samtals 8,0 mkr. sbr. framlagða greinargerð um fjárhagsáætlun 2015 - framkvæmdaráð, rekstur.

Viðaukinn er nauðsynlegur til að standa undir þeim áætlaða kostnaði sem hlýst af þeim breytingum sem gera á til að ná ásættanlegum árangri í eyðingu úrgangs frá sveitarfélaginu.

Gerð grein fyrir stöðu mála vegna útboðsverka á árinu:

Smáverk - útboð árið 2015

Snjómokstur - útboð 2015

Hreinsun gatna - útboð 2015.

Farið yfir stöðu mála vegna sumaraksturs hjá SVA.

Framkvæmdaráð Akureyrarbæjar harmar að ekki hefur tekist að manna sumarafleysingastörf hjá Strætisvögnum Akureyrar. Allt útlit er því fyrir að um engar sumarafleysingar hjá SVA verði að ræða og akstur vagnanna falli niður frá 15. júlí til 15. ágúst 2015.

Framkvæmdaráð felur bæjartæknifræðingi og forstöðumanni Strætisvagna Akureyrar að vinna áfram að málinu og leggur áherslu á að tryggja rekstur ferliþjónustu og aðkomu Strætisvagna Akureyrar að skipulagi Unglingalandsmóts UMFÍ sem haldið verður á Akureyri í sumar.