Framkvæmdaráð - 310

Kynntar hugmyndir frá fulltrúum hverfisnefnda/-ráða um óskir þeirra á framkvæmdum ársins 2015. Fulltrúar þeirra mættu á fundinn.

Framkvæmdaráð þakkar fulltrúum hverfisnefnda Oddeyrar, Naustahverfis og Giljahverfis fyrir mætingu á fundinn og umræður um verkefni ársins.

Farið yfir hönnun á Drottningarbrautarstíg og stöðuna á þeim framkvæmdum ásamt hreinsun gatna.

Framkvæmdaráð óskar eftir því við bæjarráð að viðauki verði gerður við málaflokkinn 111-5100 hreinsun gatna að upphæð samtals 9,5 mkr. Viðaukinn er nauðsynlegur til að hægt sé að sópa allan bæinn á viðunandi hátt.

Farið yfir næstu skref vegna fyrirkomulags á snjómokstri næstu ára.

Framkvæmdaráð samþykkir að fela starfsmönnum áframhaldandi vinnu við útboð á snjómokstri í samræmi við umræður á fundinum og minnisblað, ódagsett, sem lagt var fram og leggja fyrir ráðið á ný.

Farið yfir erindi dagsett 4. maí sl. frá samstarfsnefnd um ferlimál fatlaðra.

Framkvæmdaráð samþykkir fyrir sitt leyti framlagða tillögu að endurbótum og fjölgun bílastæða fyrir hreyfihamlaða á miðbæjarsvæðinu og vísar málinu til skipulagsnefndar.

Farið yfir erindi frá samstarfsnefnd um ferlimál fatlaðra, dagsett 4. maí sl. Erindið var sent á framkvæmdadeild og er hér til kynningar.

Akureyrarkaupstaður hefur það að stefnu sinni að við framkvæmdir og endurgerð umferðaljósa komi hljóðljós og hefur gert frá árinu 2012.

Lögð fram niðurstaða útboðs vegna framkvæmda við gatnagerð í Hagahverfi.

Framkvæmdaráð samþykkir að ganga til samninga við lægstbjóðanda GV Gröfur ehf.

Þorsteinn Hlynur Jónsson Æ-lista sat hjá við afgreiðslu málsins.