Framkvæmdaráð - 309

Tekið fyrir erindi frá Norðurorku dagsett 27. mars 2015 og varðar sópun gatna vorið 2015.

Framkvæmdaráð tekur undir þær áhyggur sem Norðurorka hefur af sandi sem berst í fráveitukerfi bæjarins og þeim kostnaði sem af því hlýst. Það er rétt að götusópun fór seint af stað í ár og hlýst af því kostnaður fyrir Norðurorku, sem áður féll á fráveitu Akureyrarbæjar.

Framkvæmdaráð ætlar að taka til endurskoðunar fyrirkomulag sem hefur verið á götusópun seinustu ár með þeirri von að Akureyrarbær geti byrjað götusópun fyrr og með þeirri aðgerð nýtt fé allra betur.

Farið yfir uppfærða framkvæmdaáætlun ársins 2015.

Framkvæmdaráð samþykkir fyrirlagða og endurskoðaða framkvæmdaáætlun. Frá framkvæmdum færast m.a. 5 milljónir til uppbyggingar tjaldstæðis Bílaklúbbs Akureyrar. 30 milljónir færast einnig frá viðhaldi gatna yfir í liðinn snjómokstur og hálkuvarnir. Starfsmönnum falið að vinna að uppfærslu framkvæmdaáætlunar í samræmi við umræður á fundinum.

Lagður fram samningur milli Akureyrarbæjar og Bílaklúbbs Akureyrar um uppbyggingu, framkvæmd og rekstrarfyrirkomulag tjaldstæðis á svæði Bílaklúbbs Akureyrar.

Framkvæmdaráð samþykkir samninginn við Bílaklúbb Akureyrar í samræmi við bókun um 5 milljónir til uppbyggingar tjaldstæðis Bílaklúbbs Akureyrar í lið 2 hér að framan og vísar honum til bæjarráðs.

Farið yfir drög að endurskoðaðri samþykkt fyrir framkvæmdaráð.

Afgreiðslu frestað og framkvæmdaráð leggur til að gerð verði sérstök samþykkt fyrir stjórn Fasteigna Akureyrarbæjar.

Eiríkur Björn Björgvinsson bæjarstjóri og Inga Þöll Þórgnýsdóttir bæjarlögmaður fóru yfir stöðu mála.

Framkvæmdaráð þakkar kynninguna.