Fræðsluráð - 52

Fundur fræðsluráðs var haldinn í Hlíðarskóla.

Bryndís Valgarðsdóttir skólastjóri kynnti starfsemi skólans.

Minnisblað sviðsstjóra um stöðu styttingar vinnuvikunnar í leikskólum lagt fram til kynningar.

Minnisblað sviðsstjóra velferðarsviðs og fræðslusviðs um innleiðingu frumvarps um samþættingu þjónustu í þágu farsældar barna lagt fram til kynningar.

Hildigunnur Rut Jónsdóttir varamaður foreldra leikskólabarna vék af fundi kl. 14:45.

Viðurkenningar fræðsluráðs árið 2021 lagðar fram til kynningar.

Við þá ákvörðun að innrita börn sem verða 12 mánaða gömul í ágúst 2021 er nauðsynlegt að gera endurbætur á húsnæði tveggja leikskóla. Óskað var eftir samþykki á hækkun á leigu sem nemur þessum framkvæmdum samkvæmt meðfylgjandi minnisblaði.

Fræðsluráð samþykkir óskina samhljóða.

Grein gerð fyrir stöðu á erindi Akureyrarbæjar til mennta- og menningarmálaráðuneytis um fjárveitingar til Hlíðarskóla.

Fræðsluráð óskar eftir viðurkenningu ríkisins á því að verið sé að veita börnum í Hlíðarskóla þá þjónustu sem annars ætti að vera á hendi ríkisins líkt og gert er með sambærilega sérskóla á höfuðborgarsvæðinu. Samþætt þjónusta fyrir þennan hóp er veitt í skólanum og því er nærtækast að halda því fyrirkomulagi. Hér er ríkur vilji til að vinna að velferð og framförum barna en að ríkið viðurkenni ekki að verið sé að veita þessum hópi barna heildstæða þjónustu er ekki ásættanlegt.

Sviðsstjóri fræðslusviðs gerði grein fyrir þróun í fjölda nemenda fram til ársins 2026.