Fræðsluráð - 59

Skýrsla um ráðstöfun fjármuna í grunnskóla fyrir alla sem gefin var út af mennta- og menningarmálaráðuneytinu í apríl 2021 lögð fram til kynningar. Skýrslan er samstarfsverkefni mennta- og menningarráðuneytis, Sambands íslenskra sveitarfélaga og 13 sveitarfélaga.

Karl Frímannsson sviðsstjóri fræðslusviðs kynnti helstu niðurstöður skýrslunnar.

Einnig var upplýst að kynning á skýrslunni fari fram þriðjudaginn 9. nóvember á Akureyri.

Lagt fram til kynningar:



Lögð fram tillaga M-lista um breytingu á skipan fulltrúa í fræðsluráði.

Hlynur Jóhannsson verði aðalfulltrúi í stað Rósu Njálsdóttur.

Viðar Valdimarsson verði varafulltrúi í stað Hlyns Jóhannssonar.

Bæjarstjórn samþykkir tillöguna með 11 samhljóða atkvæðum.



Lögð fram tillaga D-lista um breytingu á skipan fulltrúa í fræðsluráði:

Heiðrún Ósk Ólafsdóttir verði varafulltrúi í stað Berglindar Óskar Guðmundsdóttur.

Bæjarstjórn samþykkir tillöguna með 11 samhljóða atkvæðum.



Meðfylgjandi er tilkynning um breytingar á áheyrnarfulltrúum í fræðsluráði, Daníel Sigurður Eðvaldsson tekur við af Jóhanni Gunnarssyni sem fulltrúi foreldra grunnskólabarna.

Karl Frímannssom sviðsstjóri fræðslusviðs gerði grein fyrir ráðningu í starf skólastjóra Tröllaborga.

Anna Jóna Guðmundsdóttir hefur verið ráðin skólastjóri Tröllaborga frá og með 1. nóvember 2021.

Alls sóttu fjórir um stöðuna.

Anna hefur 18 ára reynslu af stjórnun í leikskólum þar af 14 ár sem leikskólastjóri. Lengst var hún skólastjóri í Ársölum í Skagafirði þar sem hún kom að bæði uppbyggingu á öflugu skólastarfi og innleiðingu margra umbótaverkefna. Hún lauk leikskólakennaraprófi frá Kennaraháskólanum í Tromsö árið 1987 og meistaraprófi frá Háskólanum á Akureyri árið 2012 þar sem hún fjallaði um menntun og tónlist í lokaverkefni sínu.

Fræðsluráð óskar Önnu velfarnaðar í starfi.

Jón Þór Sigurðsson fulltrúi foreldra leikskólabarna vék af fundi kl. 14:51. <br /> <br /> <br />

Karl Frímannsson sviðsstjóri fræðslusviðs gerði grein fyrir vinnu vegna hagræðingarkröfu bæjarstjórnar við gerð fjárhagsáætlunar fyrir árið 2022.

Fræðsluráð felur sviðsstjóra að vinna tillögurnar áfram í samræmi við umræður á fundinum.