Fræðsluráð - 57

Að beiðni fræðslusviðs Akureyrarbæjar vann Miðstöð skólaþróunar Háskólans á Akureyri (MSHA) skýrslu um sérúrræði í grunnskólum bæjarins. Skýrslan var lögð fram til kynningar. Gunnar Gíslason forstöðumaður MSHA og Rúnar Sigþórsson prófessor emeritus við Háskólann á Akureyri komu á fundinn og gerðu grein fyrir skýrslunni.

Fræðsluráð tók efni skýrslunnar til umræðu og lýsir yfir ánægju sinni með hana og vinnu tengda henni.

Ísabella Sól Ingvarsdóttir fulltrúi ungmennaráðs kom til fundar kl. 14:00

Erna Rós Ingvarsdóttir verkefnastjóri leikskóla gerði grein fyrir starfsáætlunum leikskóla 2021-2022 fyrir Hólmasól og Hríseyjarskóla og lagði fram til staðfestingar.

Fræðsluráð staðfesti samhljóða starfsáætlanir sem lagðar voru fram.

Eitt af lögbundnum verkefnum fræðsluráðs skv. 6. grein laga nr. 91/2008 um grunnskóla er „að sjá til þess að öll skólaskyld börn sem rétt eiga á skólavist í sveitarfélaginu njóti lögboðinnar fræðslu."

Lögð var fram greinargerð um skólasókn barna á grunnskólaaldri á Akureyri 1. október 2021.

Fræðsluráð staðfesti samhljóða framlagða greinargerð.

Fylgiskjöl

• Skólasókn 1.10.2021 Minnisblað mnr. 2018100121.pdf

Seinni umræða um ósk um viðauka vegna móttöku flóttamanna í leik- og grunnskólum.

Fræðsluráð samþykkir erindið samhljóða og vísar því til bæjarráðs.

Tillögur að gjaldskrám fræðslusviðs fyrir árið 2022 lagðar fram til umræðu og kynningar.

Jóhann Gunnarsson fulltrúi grunnskólabarna vék af fundi kl. 15:00.