Fræðsluráð - 47

Fulltrúar ungmennaráðs, þær Rakel Alda Stefánsdóttir, Hildur Lilja Jónsdóttir og Thelma Þórhallsdóttir, komu á fundinn og ræddu framtíðarsýn þeirra á þróun skólastarfs. Helstu umræðuefnin snéru að mikilvægi upplýsingatækni og kennslu í henni, nemendalýðræði og að gefa nemendum tækifæri til að taka alvöru ákvarðanir, vera með fjölbreytta fræðslu um það sem kemur einstaklingum til góða eftir að skólagöngu lýkur s.s. fjármálalæsi eða stjórnmálafræðslu og höfða betur til nemenda út frá þeirra áhuga.

Hrafnhildur Guðjónsdóttir verkefnastjóri á samfélagssviði sat fundinn undir þessum lið.

Fræðsluráð þakkar fulltrúum ungmennaráðs fyrir erindið og lýsir ánægju sinni með vandaðan málflutning.

Á 91. fundi frístundaráðs 24. febrúar 2021 var eftirfarandi bókun gerð: ,,Frístundaráð telur mikilvægt að haldið verði áfram með verkefnið (þ.e. útfærslu á frístundaakstri) og veitt verði fjármagn til þess að hægt sé að koma því af stað haustið 2021. Óskað er eftir afstöðu fræðsluráðs til málsins."

Hrafnhildur Guðjónsdóttir verkefnastjóri á samfélagssviði gerði grein fyrir aðdraganda verkefnisins og hugmyndum um fyrirkomulag á áætlun frístundavagns haustið 2021.

Fræðsluráð tekur jákvætt í erindið og lýsir vilja til að vinna að því, í samstarfi við samfélagssvið, að verkefnið hljóti brautargengi.

Forstöðumaður rekstrar gerði grein fyrir rekstrarstöðu málaflokksins í janúar 2021.

Erindið var tekið fyrir á 46. fundi fræðsluráðs til fyrri umræðu þar sem óskað var eftir viðauka vegna sérúrræða í leikskólum að upphæð kr. 40 milljónir.

Fræðsluráð samþykkir erindið og vísar því til bæjarráðs.