Fræðsluráð - 19

Jónína Hauksdóttir leikskólastjóri á Naustatjörn og Björg Sigurvinsdóttir leikskólastjóri á Lundarseli sem eru fulltrúar í samráðsnefnd stjórnenda leikskóla FSL fóru yfir ályktunina.

Fræðsluráð þakkar þeim fyrir kynninguna og tekur undir ábendingar þeirra um mikilvægi þess að horfa til fjölda barna í rýmum og lengd vistunartíma barna á leikskólum.

Fræðsluráð vill horfa m.a. til þessara þátta við gerð nýrrar skólastefnu.

Árni Konráð Bjarnason forstöðumaður rekstrardeildar gerði grein fyrir breytingum á fjárhagsáætlun fræðslusviðs fyrir árið 2018 frá fyrri afgreiðslu.

Helsta breytingin er sú að nú hefur fengist vilyrði fyrir ráðningu skólasálfræðings á fræðslusviði til eins árs. Því ert gert ráð fyrir þeirri ráðningu í áætluninni.

Fræðsluráð samþykkir framlagða breytingu.

Árni Konráð Bjarnason forstöðumaður rekstrardeildar fór yfir rekstur fræðslumála tímabilið janúar - september 2017.

Erindi frá námsráðgjöfum í grunnskólum Akureyrarbæjar sem beina þeim tilmælum til fræðsluyfirvalda sveitarfélagsins að senda bréf til rektors HÍ, félagsvísindasviðs, námsbrautar í náms- og starfsráðgjöf og menntamálaráðuneytis þar sem sveitarfélagið hvetji til þess að fjarnám í náms- og starfsráðgjöf verði sett af stað aftur sem allra fyrst.

Fræðsluráð tekur undir áhyggjur námsráðgjafa á svæðinu að ekki skuli boðið upp á nám í náms- og starfsráðgjöf í fjarnámi frá HÍ.

Fræðsluráð tekur jákvætt í erindið og felur sviðsstjóra fræðslusviðs að vinna frekar í málinu.

Erindi frá Jóni Baldvin Hannessyni skólastjóra Giljaskóla og Ragnheiði Júlíusdóttur deildarstjóra og þroskaþjálfa í sérdeild Giljaskóla þar sem óskað er eftir styrk til kaupa á sérstökum augnstýribúnaði fyrir fjölfatlaða nemendur.

Fræðsluráð tekur jákvætt í erindið og felur fræðslustjóra að vinna málið áfram í samráði við skólastjóra og deildarstjóra sérdeildar Giljaskóla.

Vilborg Hreinsdóttir vék af fundi undir 6. lið kl. 09:55. <br />Baldvin Valdemarsson vék af fundi undir 6. lið kl. 10:00. <br />

Sigurður Freyr Sigurðarson grunnskólakennari í Síðuskóla og fulltrúi kennara í fræðsluráði kynnti e-Twinning sem er samstarfsvettvangur kennara í Evrópu á netinu þar sem nemendur í mismunandi löndum vinna að sama verkefni og kynna í leiðinni heimahagana.

Sigurður var einnig með kynningu á verkefninu Traces of Europe sem er samstarfsverkefni á milli Íslands ( Síðuskóla ), Póllands, Ítalíu, Rúmeníu og Noregs.

Fræðsluráð þakkar Sigurði kærlega fyrir skemmtilega og lifandi kynningu og fagnar skapandi starfi af þessu tagi innan skólanna.

Kynntur póstur frá mennta- og menningarmálaráðuneyti þar sem óskað er eftir viðbrögðum við hugleiðingum um útgáfu einhvers konar viðmiða eða leiðbeininga fyrir skóla og sveitarfélög í samráði aðila um sjúkrakennslu.