Fræðsluráð - 2

Ólöf Inga Andrésdóttir skólastjóri Síðuskóla kynnti húsnæði skólans.

Fræðsluráð þakkar Ólöfu kærlega fyrir kynninguna.

Linda Lárusdóttir þroskaþjálfi mætti á fundinn og viðraði hugmyndir sínar um rekstur ungbarnaleikskóla.

Fræðsluráð þakkar Lindu kærlega fyrir áhugaverða kynningu og mun taka málið til áframhaldandi umræðu.

Erindi undirritað af þremur leikskólastjórum á Akureyri fyrir hönd allra leikskólastjórnenda þar sem þeir lýsa áhyggjum sínum yfir því að of lítið rými er fyrir hvert barn í leikskólum. Það hefur áhrif á geðtengsl og einbeitingu, aukinn kvíða og félags- og málþroska barna.

Jakobína Elín Áskelsdóttir áheyrnarfulltrúi leikskólastjórnenda í fræðsluráði og Hrafnhildur Sigurðardóttir leikskólafulltrúi fóru yfir málið.

Óskað er eftir tilnefningu fulltrúa fræðsluráðs í vinnuhóp vegna framkvæmda í Hlíðarskóla.

Fræðsluráð samþykkir að Dagbjört Pálsdóttir formaður fræðsluráðs verði fulltrúi í vinnuhóp vegna framkvæmda í Hlíðarskóla.

Óskað er eftir tilnefningu í fulltrúa fræðsluráðs í vinnuhóp vegna nýbyggingar við Glerárskóla.

Fræðsluráð samþykkir að Dagbjört Pálsdóttir formaður fræðsluráðs verði fulltrúi í vinnuhóp vegna leikskólanýbyggingar við Glerárskóla.

Dagbjört Pálsdóttir formaður fræðsluráðs vakti máls á helstu atriðum í skýrslunni s.s. áhyggjur af fækkun í kennarastétt, helstu niðurstöður úttektar á skóla fyrir alla og fleira. Sagði hún skólaþingið hafa verið sérstaklega áhugavert, fræðandi og jákvætt.

Hún hvatti fundarmenn til að fara yfir megin niðurstöður í umræðum á fundinum og horfa á útsendingu fundarins.