Fræðsluráð - 4

Ný samþykkt fyrir hlutverk og ábyrgð fræðsluráðs eftir stjórnsýslubreytingar.

Fræðsluráð samþykkir framlagða samþykkt fyrir fræðsluráð og felur sviðsstjóra fræðslusviðs að koma á framfæri smávægilegum orðalagsbreytingum á 10. og 15. grein samþykktarinnar.

Tilnefning tveggja fulltrúa í stýrihóp vegna innleiðingar verkefnisins Barnvænt sveitarfélag.

Annar fulltrúi kemur af fræðslusviði og hinn fulltrúinn er tilnefndur úr fræðsluráði.

Fræðsluráð leggur til að eftirfarandi fulltrúar sitji í stýrihópnum:

Guðbjörg Ingimundardóttir af fræðslusviði og Dagbjört Elín Pálsdóttir formaður fræðsluráðs.

Fræðslustjóri fór yfir vinnuferli vegna bókunar I í kjarasamningi grunnskólakennara og kynnti verkefnisstjóra sem ráðinn hefur verið til að stýra verkinu.

Kristrún Lind Birgisdóttir hefur verið ráðin verkefnisstjóri vegna vinnu við bókun I í kjarasamningi.

Sviðsstjóri fræðslusviðs gerir tillögur um að greiddir verði allt að 10 yfirvinnutímar til hvers kennara í stýrihópi kennara vegna bókunar I í kjarasamningi.

Fræðsluráð samþykkir að greiddar verði allt að 10 klukkustundir í yfirvinnu til fulltrúa kennara í stýrihópnum.

Áætlaður kostnaður vegna vinnunar er kr. 1.800.000.

Erindinu vísað til bæjarráðs.