Fræðsluráð - 6

Dagný Þóra Baldursdóttir L-lista boðaði forföll og einnig varamaður hennar. <br />

Karl Frímannsson sviðsstjóri fræðslusviðs gerði grein fyrir stöðu vinnunnar við gerð skólastefnu.

Kynntar reglur um leikskólaþjónustu.

Fræðsluráð samþykkir framlagðar reglur um leikskólaþjónustu með lítilsháttar breytingum varðandi opnunartíma.

Farið var yfir stöðu verkefnisins Skólaleiks sem var samstarfsverkefni leik- og grunnskóla um fyrirkomulag leikskólastarfs hjá elsta árgangi leikskólans frá því að sumarleyfi lýkur og fram að skólabyrjun grunnskólans. Haustið 2017 var tilraun gerð með verkefnið sem var sett á fót í þeim tilgangi að flýta fyrir innritun í leikskólana.

Fræðsluráð lýsir yfir ánægju sinni með verkefnið, hvernig til tókst og jákvæðum viðbrögðum vegna þess.

Inga Þöll Þórgnýsdóttir bæjarlögmaður kom á fundinn og fór yfir helstu áherslur í nýjum persónuverndarlögum sem snúa að skólaumhverfi.