Fræðsluráð - 6

Guðríður Friðriksdóttir sviðsstjóri umhverfis- og mannvirkjasviðs kynnti tillögur um framkvæmdir á Naustaskólalóð.

Fræðsluráð þakkar Guðríði fyrir greinargóða kynningu.

Endurnýjun samnings við Hjallastefnuna ehf vegna reksturs á Hólmasól.

Framlengdur samningur við Hjallastefnuna mun gilda til næstu fimm ára frá undirritun. Fræðsluráð samþykkir drög að samningnum og felur fræðslusviði að ganga frá honum fyrir hönd Akureyrarbæjar.

Jóhanna María Agnarsdóttir mætti til fundar kl. 14:20, undir 3. lið. <br />

Erindi frá dagforeldrum dagsett 13. mars 2017 er varðar breytingu á niðurgreiðslu á daggæslugjöldum.

Í dag er fyrirkomulag með þeim hætti að niðurgreiðslur Akureyrarbæjar ná til sjö tíma vistunar.

Í erindinu er óskað eftir því að niðurgreiðslur dreifist jafnt á átta tíma.

Fræðsluráð felur fræðslusviði að kanna viðhorf foreldra til breytingar á dreifingu niðurgreiðslu á áttunda tíma til dagforeldra.

Kynntar voru tillögur kjarasamninganefndar um breytingar á skipuriti fræðslusviðs.

Fræðsluráð samþykkir framlagða tillögu fyrir sitt leyti og vísar kostnaðarauka vegna hennar til bæjarráðs.

Árni Konráð Bjarnason rekstrarstjóri vék af fundi undir 4. lið.

Árni Konráð Bjarnason rekstrarstjóri fór yfir hugleiðingar um úthlutun kennslustunda til grunnskóla haustið 2017.

Lagt fram til kynningar.

Árni Konráð Bjarnason rekstrarstjóri fór yfir tillögur að gjaldskrá hjá dagforeldrum frá 1. júní 2017.

Fræðsluráð samþykkir fyrirliggjandi tillögu að gjaldskrá frá 1. júní 2017.

Lagðar fram til kynningar reglur um gerð og meðferð viðauka við fjárhagsáætlun.