Fræðsluráð - 8

Hermína Gunnþórsdóttir dósent við Háskólann á Akureyri og Birna María B. Svanbjörnsdóttir lektor við Háskólann á Akureyri mættu á fundinn og kynntu erindi sem þær fluttu á Skólaþingi sveitarfélaga 6. nóvember 2017.

Sviðsstjóri kynnti Skólavogina sem er matskerfi fyrir grunnskóla.

Skóladagatöl grunnskólanna 2018-2019 voru lögð fyrir fundinn til yfirferðar og staðfestingar. Sviðsstjóri kynnti yfirlit um öll skóladagatöl grunnskólanna sem fylgdi með í málsskjali.

Fræðsluráð samþykkir skóladagatöl grunnskólanna fyrir skólaárið 2018-2019.

Fylgiskjöl

• Skóladagatal grunnskólanna 2018-2019.pdf

Í ljósi þess að verið er að endurskoða skólastefnu Akureyrarbæjar og nýlega búið að gera skipulagsbreytingar á fræðslusviði er ástæða til að samningur við Miðstöð skólaþróunar HA verði tekinn til endurskoðunar.

Fræðsluráð felur sviðsstjóra að yfirfara gildandi samning með fulltrúum Háskólans með það fyrir augum að endurskoða framkvæmd hans.

Í fjárhagsáætlun Akureyrarbæjar fyrir árið 2018 skal verja kr. 20 milljónum til stuðnings nútímavæðingar í leik- og grunnskólum. Jafnframt er gert ráð fyrir kr. 20 milljóna framlagi 2019 og 2020, samtals 60 milljónum. Mikilvægt er að ráðstöfun fjárins byggi á stefnu og þarfagreiningu sem ekki liggur enn fyrir. Ekki eru forsendur fyrir því að byrja á verkefninu fyrr en greining og stefnumörkun liggur fyrir.

Fræðsluráð felur sviðsstjóra að gera þarfagreiningu/tillögu í samráði við stjórnendur leik- og grunnskóla.

Fylgiskjöl

• Minnisblað Nútímavæðing Fræðasluráð 19.3.2018.pdf

Lögð fram langtímaáætlun fræðslumála 2018-2027 til afgreiðslu.

Fræðsluráð vísar langtímaáætlun fræðslumála 2018-2027 til bæjarráðs til frekari úrvinnslu.