Fræðsluráð - 8

Helga Vilhjálmsdóttir forstöðumaður skólaþjónustu kom á fundinn og kynnti helstu verkefni skólaþjónustunnar og stöðu í málaflokknum.

Fræðsluráð þakkar Helgu fyrir greinargóða kynningu.

Jón Baldvin Hannesson skólastjóri Giljaskóla og Ragnhildur Júlíusdóttir forstöðumaður sérdeildar Giljaskóla mættu á fundinn og sögðu frá þjónustu sérdeildar.

Fræðsluráð þakkar þeim Jóni Baldvin og Ragnheiði fyrir greinargóða kynningu á starfseminni.

Kristrún Lind Birgisdóttir verkefnisstjóri kom á fundinn og fór yfir stöðu á vinnu við Bókun I.

Fræðsluráð þakkar Kristrúnu fyrir kynninguna.

Bæjarráð hefur samþykkt fjárhagsáætlunarferli fyrir áætlun næsta árs.

Lagt fram til kynningar.

Ljóst er að þörf er fyrir aukningu í kennslustundaúthlutun frá og með hausti 2017. Ástæðan er aukið mat á sérkennsluþörf og fjölgun nemenda.

Árni Konráð Bjarnason rekstrarstjóri á fræðslusviði gerði grein fyrir í hverju þörfin er fólgin og fór yfir meðfylgjandi minnisblað.

Fræðsluráð felur sviðsstjóra fræðslusviðs og forstöðumanni reksturs fræðslusviðs að ganga frá tillögu um viðauka út frá fyrirliggjandi forsendum til að leggja fyrir fræðsluráð á næsta fundi.

Lögð fram til kynningar og endurskoðunar fyrri 10 ára áætlun sem samþykkt var í skólanefnd 18. nóvember 2013.

Fræðsluráð vísar málinu til vinnufundar með kjörnum fulltrúum sem haldinn verður á milli reglubundinna funda.