Fræðslu- og lýðheilsuráð - 1

Ásthildur Sturludóttir bæjarstjóri og Inga Þöll Þórgnýsdóttir bæjarlögmaður sátu fundinn undir þessum lið og kynntu samþykkt fyrir fræðslu- og lýðheilsuráð sem samþykkt var í bæjarstjórn 14. desember 2021 ásamt greinargerð vegna stjórnsýslubreytinga.

Karl Frímannsson sviðsstjóri fræðslu- og lýðheilsusviðs fór yfir starfsáætlun fræðslusviðs og gerði grein fyrir stöðunni á þeim verkefnum sem þar eru. Ákveðið að sameina starfsáætlanir fræðsluráðs og frístundaráðs í eitt skjal fyrir næsta fund.

Farið var yfir siðareglur og samskiptasáttmála kjörinna fulltrúa Akureyrarbæjar.

Eftirtaldir áheyrnarfulltrúar viku af fundi eftir 3. dagskrárlið:
Daníel Sigurður Eðvaldsson fulltrúi foreldra grunnskólabarna
Jón Þór Sigurðsson fulltrúi foreldra leikskólabarna
Elías Gunnar Þorbjörnsson fulltrúi grunnskólastjóra
Snjólaug Brjánsdóttir fulltrúi leikskólastjóra

Farið var yfir starfsáætlun frístundaráðs og gerð grein fyrir stöðunni á þeim verkefnum sem þar eru.

Fjárhagsáætlun 2022 gerir ráð fyrir kr. 8 milljónum í styrki til íþróttafélaga vegna frístundaaksturs. Taka þarf afstöðu til hvernig þeirri styrkveitingu verður háttað.

Ellert Örn Erlingsson forstöðumaður íþróttamála gerði grein fyrir málinu.

Samþykkt að fela sviðsstjóra að vinna málið áfram og leggja fyrir næsta fund í ráðinu.

Karl Frímannsson sviðsstjóri ræddi vinnu við lýðheilsustefnu Akureyrarbæjar, en frístundaráð hefur bókað um mikilvægi þess að vinna verði hafin við mótun lýðheilsustefnu bæjarins. Farið var yfir stöðuna og efnistök rædd.

Fræðslu- og lýðheilsuráð felur sviðsstjóra að hefja vinnu við mörkun lýðheilsustefnu Akureyrarbæjar og samþykkir að settar verði kr. 2 milljónir skv. fjárhagsáætlun 2022 í verkefnið.

Fræðslu- og lýðheilsuráð óskar eftir að á fundi ráðsins 21. febrúar 2022 verði lögð fram tillaga að verkáætlun.

Um fullnaðarafgreiðslu er að ræða.