Fræðslu- og lýðheilsuráð - 4

Erindi dagsett 18. febrúar frá Sundfélaginu Óðni varðandi æfingaaðstöðu fyrir þrekæfingar iðkenda.

Elín H. Gísladóttir forstöðumaður Sundlaugar Akureyrar sat fundinn undir þessum lið.

Geir Kristinn Aðalsteinsson formaður ÍBA sat fundinn undir þessum lið.

Ráðið felur sviðsstjóra fræðslu- og lýðheilsusviðs að vinna málið áfram.

Lagður fram styrktarsamningur við Skíðafélag Akureyrar vegna Andrésar Andarleikanna árið 2022.

Geir Kristinn Aðalsteinsson formaður ÍBA sat fundinn undir þessum lið.

Fræðslu- og lýðheilsuráð samþykkir fyrirliggjandi samning og felur sviðsstjóra að vinna málið áfram.

Um fullnaðarafgreiðslu er að ræða.

Lagt fram til kynningar minnisblað frá umhverfis- og mannvirkjasviði varðandi ástand og stöðu mála á gervigrasi Bogans.

Geir Kristinn Aðalsteinsson formaður ÍBA sat fundinn undir þessum lið.

Umræður og vinna við lýðheilsustefnu Akureyrarbæjar.

Geir Kristinn Aðalsteinsson formaður ÍBA sat fundinn undir þessum lið.

Fræðslu- og lýðheilsuráð skipar Evu Hrund Einarsdóttur, Gunnar Má Gunnarsson og Ásrúnu Ýr Gestsdóttur í stýrihóp fyrir lýðheilsustefnu Akureyrarbæjar og felur sviðsstjóra fræðslu- og lýðheilsusviðs að gera erindisbréf fyrir stýrihópinn.

Alþingi samþykkti á síðasta ári þingsályktun nr. 37/150, um forvarnir meðal barna og ungmenna gegn kynferðislegu og kynbundnu ofbeldi og áreiti, ásamt áætlun um aðgerðir fyrir árin 2021-2025. Þar er lögð áhersla á að forvarnir verði samþættar kennslu og skólastarfi á öllum skólastigum, sem og í starfsemi frístundaheimila og félagsmiðstöðva. Gert er ráð fyrir þverfaglegu samstarfi um aðgerðir.

Alfa Dröfn Jóhannsdóttir forvarnafulltrúi Sambands íslenskra sveitarfélaga sat fundinn undir þessum lið og kynnti málið.

Fræðslu- og lýðheilsuráð þakkar Ölfu Dröfn Jóhannsdóttur fyrir kynninguna. Ráðið telur mikilvægt að vekja athygli íþrótta- og tómstundafélaga á vefsíðunni Stopp ofbeldi https://stoppofbeldi.namsefni.is/

Fylgiskjöl

• Bréf til stofnana sveitarfélaga um aðgerðaráætlun.pdf
• Þingsályktun um forvarnir meðal barna og ungmenna gegn kynferðislegu og kynbundnu ofbeldi og áreitni.pdf