Fræðslu- og lýðheilsuráð - 69

Dagbjartur Halldórsson formaður Hestamannafélagsins Léttis tók á móti ráðinu, sýndi aðstöðuna og kynnti starfsemi félagsins.



Áheyrnarfulltrúi: Bjarki Orrason fulltrúi ungmennaráðs.

Fræðslu- og lýðheilsuráð þakkar Dagbjarti Halldórssyni formanni Hestamannafélagsins Léttis fyrir góðar móttökur og kynningu á starfinu í Reiðhöllinni.

Umræður um ferðakostnað barna og unglinga á landsbyggðunum vegna þátttöku í íþrótta- og tómstundastarfi var vísað til fræðslu- og lýðheilsuráðs frá bæjarstjórn og var ráðinu falið að kortleggja stöðuna betur með tilliti til barna og unglinga sem búa í Akureyrarbæ.

Bæjarstjórn Akureyrar lýsti á fundi sínum þungum áhyggjum af ferðakostnaði barna og unglinga á landsbyggðunum tengt íþróttum og tómstundum. Kostnaðurinn hefur aukist mikið á síðastliðnum árum en ferðasjóður ÍSÍ hefur lækkað á sama tíma.

Þóra Pétursdóttir svæðisfulltrúi ÍSÍ/UMFÍ á Norðurlandi eystra, Siguróli Magni Sigurðsson íþróttafulltrúi KA og Linda Guðmundsdóttir íþróttafulltrúi Þórs sátu fundinn undir þessum lið.



Áheyrnarfulltrúi: Bjarki Orrason fulltrúi ungmennaráðs.

Fræðslu- og lýðheilsuráð þakkar Þóru Pétursdóttur svæðisfulltrúa ÍSÍ/UMFÍ á Norðurlandi eystra, Siguróla Magna Sigurðssyni íþróttafulltrúa KA og Lindu Guðmundsdóttur íþróttafulltrúa Þórs fyrir komuna og góðar umræður.

Lögð fram beiðni um ráðningu hús- og tækjavarðar við sundlaugar Akureyrarbæjar.

Gísli Rúnar Gylfason forstöðumaður sundlauga Akureyrar sat fundinn undir þessum lið.



Áheyrnarfulltrúi: Bjarki Orrason fulltrúi ungmennaráðs.

Fræðslu- og lýðheilsuráð tekur vel í erindið. Heimilt verður að setja ráðninguna inn í rekstur frá og með sumri 2025 og málinu síðan vísað í fjárhagsáætlunarvinnu ársins 2026.

Fylgiskjöl

• Minnisblað_tækjamaður Sundlaug.pdf

Lagt fram minnisblað frá forstöðumanni íþróttamála þar sem óskað var eftir fjármagni til að kosta framkvæmdir vegna endurnýjunar gólfefna, lýsingar og hljóðvistar í æfingaaðstöðu í kjallara Íþróttahallarinnar.



Áheyrnarfulltrúi: Bjarki Orrason fulltrúi ungmennaráðs.

Fræðslu- og lýðheilsuráð samþykkir framlagða beiðni og vísar henni áfram til bæjarráðs.

Fylgiskjöl

• minnisblað eöe kjallara Íþróttahallarinnar 2025.pdf

Lögð fram til kynningar stöðuskýrsla dagsett 24. janúar 2025 varðandi framkvæmdir við gervigrasvöll á félagssvæði Þórs.



Áheyrnarfulltrúi: Bjarki Orrason fulltrúi ungmennaráðs.

Fylgiskjöl

• Stöðuskýrsla Þór gervigras 20250124.pdf

Lögð fram stöðuskýrsla dagsett í febrúar 2025 varðandi byggingu keppnisvallar, stúku og félagsaðstöðu.



Áheyrnarfulltrúi: Bjarki Orrason fulltrúi ungmennaráðs.

Lagður fram gátlisti barnvæns hagsmunamats.



Áheyrnarfulltrúi: Bjarki Orrason fulltrúi ungmennaráðs.

Fræðslu- og lýðheilsuráð vísar máli 2 til kynningar í ungmennaráði.