Fræðslu- og lýðheilsuráð - 14

Alfa Aradóttir forstöðumaður forvarna- og frístunda kom á fundinn og gerði grein fyrir innleiðingu barnvæns sveitarfélags.

Akureyrarbær fékk fyrst sveitarfélaga á Íslandi viðurkenningu frá UNICEF árið 2020. Að vera barnvænt sveitarfélag þýðir að sveitarfélagið hefur skuldbundið sig til að innleiða Barnasáttmála Sameinuðu þjóðanna og vinna markvisst eftir hugmyndafræði verkefnisins. Viðurkenningin gildir í þrjú ár og stefnir sveitarfélagið að endurnýjun viðurkenningarinnar árið 2023.

Góð reynsla er komin á samstarf UNICEF á Íslandi og Akureyrarbæjar um barnvænt sveitarfélag. Giljaskóli hefur hlotið viðurkenningu sem Réttindaskóli UNICEF og Naustaskóli stefnir á viðurkenningu í nóvember 2022. Þegar skóli ákveður að verða Réttindaskóli skuldbindur hann sig að gera réttindi barna að raunveruleika eftir bestu getu. Fyrir liggur tillaga frá UNICEF að áætlun um innleiðingu Barnasáttmálans í alla grunnskóla, félagsmiðstöðvar og frístundaheimili Akureyrar.

Alfa Aradóttir forstöðumaður tómstundamála sat fundinn undir þessum lið.

Fræðslu- og lýðheilsuráð tekur vel í erindið og samþykkir.

Bréf frá Íþrótta- og Ólympíusambandi Íslands til sveitarfélaga á Íslandi vegna verkefnisins Göngum í skólann. En óskað er eftir liðsinni sveitarfélaga til að hvetja alla skóla til þátttöku og auðvelda foreldrum og börnum að velja virkan ferðamáta.

Ellert Örn Erlingsson forstöðumaður íþróttamála sat fundinn undir þessum lið.

Fræðslu- og lýðheilsuráð hvetur alla grunnskóla Akureyrarbæjar til að taka þátt í verkefninu. En á heimasíðu Göngum í skólann www.gongumiskolann.is eru allar nánari upplýsingar um verkefnið.

Fræðslu- og lýðheilsuráð biður sviðsstjóra um að taka saman upplýsingar um ferðamáta barna til og frá grunnskólum sveitarfélagsins.

Fylgiskjöl

• Sveitarfelog 2022.pdf

Lögð fyrir drög að heimsóknum fræðslu- og lýðheilsuráðs í stofnanir haustönn 2022.

Vinna við fjárhagsáætlun ársins 2023.

Alfa Aradóttir forstöðumaður tómstundamála, Árni Konráð Bjarnason rekstrarstjóri, Elín H. Gísladóttir forstöðumaður Sundlaugar Akureyrar, Ellert Örn Erlingsson forstöðumaður íþróttamála, Erna Rós Ingvarsdóttir verkefnastjóri leikskóla, Geir Kristinn Aðalsteinsson formaður Íþróttabandalags Akureyrar, Halla Birgisdóttir forstöðumaður tómstundamála og Sesselja Sigurðardóttir leikskólaráðgjafi sátu fundinn undir þessum lið.