Fræðslu- og lýðheilsuráð - 11

Minnisblað lagt fram til seinni umræðu með ósk um viðauka vegna leikskólastarfs haustið 2022 að fjárhæð 51 milljón.





Snjólaug Jónína Brjánsdóttir fulltrúi leikskólastjóra og Daníel Sigurður Eðvaldsson fulltrúi foreldra barna í grunnskólum sátu fundinn undir þessum lið.

Fræðslu- og lýðheilsuráð samþykkir framlagðan viðauka að upphæð 51 milljón kr. og vísar erindinu til bæjarráðs.

Minnisblað lagt fram til seinni umræðu með ósk um viðauka vegna grunnskóla haustið 2022 að fjárhæð kr. 12,8 milljónir.





Snjólaug Jónína Brjánsdóttir fulltrúi leikskólastjóra og Daníel Sigurður Eðvaldsson fulltrúi foreldra barna í grunnskólum sátu fundinn undir þessum lið.

Fræðslu- og lýðheilsuráð samþykkir framlagðan viðauka að upphæð 12,8 milljónir kr. og vísar erindinu til bæjarráðs.

Erindi frá ÍBA fyrir hönd Lyftingadeildar Knattspyrnufélags Akureyrar þar sem deildin óskar eftir stuðningi Akureyrarbæjar vegna búnaðarkaupa og aðstöðumála félagsins.

Fræðslu- og lýðheilsuráð felur sviðsstjóra að óska eftir frekari upplýsingum frá ÍBA um framtíðaráform Lyftingadeildar KA með tilliti til staðsetningar og barna- og unglingastarfs.

Erindi frá dansskólanum Steps Dancecenter þar sem óskað er eftir styrk vegna keppnisferðar keppnisliðs dansskólans á Dance World Cup 2022 á Spáni.

Fræðslu- og lýðheilsuráð samþykkir að veita styrk til verkefnisins að upphæð 100 þús. kr. en bendir jafnframt á mikilvægi þess að reglur um styrkveitingar Akureyrarbæjar verði endurskoðaðar.

Erindi dagsett 24. maí 2022 frá foreldrafélagi keppnisliðs DSA þar sem óskað er eftir styrk vegna keppnisferðar keppnisliðs Dansstúdíó Alice á Dance World Cup 2022 á Spáni.

Fræðslu- og lýðheilsuráð samþykkir að veita styrk til verkefnisins að upphæð 100 þús. kr. en bendir jafnframt á mikilvægi þess að reglur um styrkveitingar Akureyrarbæjar verði endurskoðaðar.