Fræðslu- og lýðheilsuráð - 3

Kristrún Lind Birgisdóttir framkvæmdastjóri Ásgarðs og Gunnþór Eyfjörð Gunnþórsson ráðgjafi Ásgarðs komu á fundinn og gerðu grein fyrir stöðu innleiðingar á menntastefnu Akureyrarbæjar.

Fræðslu- og lýðheilsuráð þakkar fyrir greinargóðar upplýsingar um innleiðingu menntastefnu Akureyrarbæjar.

Árni K. Bjarnason rekstrarstjóri fræðslu- og lýðheilsusviðs gerði grein fyrir stöðu rekstrar fræðslusviðs árið 2021.

Árni K. Bjarnason rekstrarstjóri fræðslu- og lýðheilsusviðs gerði grein fyrir stöðu rekstrar frístundaráðs 2021.

Niðurstöður þjónustukönnunar Gallup fyrir árið 2021 lagðar fram til kynningar.

Fylgiskjöl

• Akureyri_2021_má_birta.pdf

Tillaga um sameiginlega frídaga í grunnskólum Akureyrarbæjar skólaárið 2022-2023 lögð fram til staðfestingar.

Fræðslu- og lýðheilsuráð samþykkir samhljóða að skólasetning í grunnskólum Akureyrarbæjar skólaárið 2022-2023 verði 22. ágúst, haustfrí 21. og 24. október og vetrarfrí 23. og 24. febrúar 2023.

Karl Frímannsson sviðsstjóri fræðslu- og lýðheilsusviðs gerði grein fyrir niðurstöðum úr Skólavoginni varðandi rekstur leikskóla.

Sesselja Sigurðardóttir leikskólaráðgjafi gerði grein fyrir stöðu innrituna í leikskólana.

Fræðslu- og lýðheilsuráð telur forgangsmál að leita leiða til þess að brúa bilið milli fæðingarorlofs og leikskóla. Ráðið felur Karli Frímannssyni sviðsstjóra, Evu Hrund Einarsdóttur og Gunnari Má Gunnarssyni að gera tillögur að úrbótum og greina þann kostnað sem felst í þeim fyrir fund ráðsins þann 7. mars.

Skipa þarf þróunarleiðtoga fræðslu- og lýðheilsuráðs.

Fræðslu- og lýðheilsuráð samþykkir samhljóða að skipa Hildu Jönu Gísladóttir þróunarleiðtoga fræðslu- og lýðheilsuráðs.

Lagður fram samningur við Hollvinafélag Húna II.

Fræðslu- og frístundaráð samþykkir fyrirliggjandi samning og felur sviðsstjóra að vinna málið áfram í samvinnu við stjórnarmenn Hollvinafélags Húna II.