Félagsmálaráð - 1200

Ester Lára Magnúsdóttir verkefnisstjóri kynnti áfrýjun í fjárhagsaðstoð.

Áfrýjanir og afgreiðsla þeirra er færð í trúnaðarbók félagsmálaráðs.

Jón Heiðar Daðason húsnæðisfulltrúi kynnti stöðuna á biðlista dagsettum 2. janúar 2015 eftir leiguhúsnæði Akureyrarbæjar um áramót.

Félagsmálaráð þakkar kynninguna.

Lagt var fram til kynningar yfirlit dagsett 2. janúar 2015 frá Jóni Heiðari Daðasyni húsnæðisfulltrúa um almennar og sérstakar húsaleigubætur - stöðu um áramót.

Félagsmálaráð þakkar kynninguna.

Jón Heiðar Daðason húsnæðisfulltrúi kynnti áfrýjun vegna forgangs á biðlista eftir leiguíbúð.

Áfrýjanir og afgreiðsla þeirra er færð í trúnaðarbók félagsmálaráðs.

Lagt var fram bréf dagsett 11. nóvember 2014 frá starfsmönnum Öldrunarheimila Akureyrar vegna styttingar á vöktum á Hlíð árið 2008, sem hafa ekki verið lengdar aftur.

Félagsmálaráð óskar eftir frekari gögnum og frestar afgreiðslu málsins til næsta fundar.

Lögð var fyrir samantekt og minnisblað dagsett 26. nóvember 2014 vegna ábendingar starfsmanna Öldrunarheimila Akureyrar.

Félagsmálaráð þakkar kynninguna.

Framkvæmdastjóri Öldrunarheimila Akureyrar, Halldór Sigurður Guðmundsson og framkvæmdastjóri búsetudeildar, Soffía Lárusdóttir, reifuðu nokkur atriði frá viðræðufundi með Háskólanum á Akureyri. Fjallað var um áform um samstarfssamning um klínískt nám, samskipti, endurmenntun og rannsóknir.

Félagsmálaráð þakkar kynninguna.

Oktavía Jóhannesdóttir D-lista fór af fundi kl. 15:50. <br />

Soffía Lárusdóttir framkvæmdastjóri búsetudeildar og Karólína Gunnarsdóttir þjónustustjóri á fjölskyldudeild kynntu skýrslu með úttekt á þjónustu við fatlað fólk á þjónustusvæði Eyjafjarðar. Skýrslan er hluti af sameiginlegu mati ríkis og sveitarfélaga á faglegum árangri tilfærslunnar.

Félagsmálaráð þakkar kynninguna.

Soffía Lárusdóttir framkvæmdastjóri búsetudeildar lagði fram minnisblað dagsett 2. janúar 2015 og óskaði eftir heimild félagsmálaráðs til að ganga til viðræðna við stjórn Alþjóðasamtaka Gentle Teaching um að halda árið 2016 alþjóðlega ráðstefnu samtakanna á Akureyri.

Félagsmálaráð þakkar kynninguna. Félagsmálaráð heimilar búsetudeild að ganga til viðræðna við stjórn Alþjóðasamtaka Gentle Teaching um að halda árið 2016 alþjóðlega ráðstefnu samtakanna á Akureyri.