Bæjarstjórn - 3553

Lögð fram tillaga Höllu Bjarkar Reynisdóttur L-lista um breytingu á skipan fulltrúa í kjörstjórn. Einar Hólm Davíðsson verði varamaður í stað Tinnu Guðmundsdóttur.

Bæjarstjórn samþykkir tillöguna með 11 samhljóða atkvæðum.

Liður 2 í fundargerð bæjarráðs dagsettri 14. nóvember 2024:

Lagður fram viðauki 6.

Dan Jens Brynjarsson sviðsstjóri fjársýslusviðs og Kristín Baldvinsdóttur forstöðumaður hagþjónustu og áætlanagerðar sátu fund bæjarráðs undir þessum lið.

Bæjarráð samþykkir viðauka 6 og vísar honum til staðfestingar í bæjarstjórn.

Viðaukinn er vegna fjölgunar stöðugilda í Skógarlundi til að mæta auknum notendafjölda, samtals 7,0 m.kr., búnaðarkaupa vegna endurbóta í Glerárgötu 26, samtals 7,0 m.kr. sem færast á efnahagsreikning, breytinga á kjarasamningum á árinu samtals 349,1 m.kr. og uppfærðrar úthlutunaráætlunar Jöfnunarsjóðs og aukinnar staðgreiðslu, samtals kr. 1.055 m.kr. Samhliða viðauka er gerð leiðrétting vegna nýrra salerna í Lystigarðinum sem færð er af rekstri yfir á fjárfestingu, launaáætlunar í sameiginlegum kostnaði 75 m.kr., alþingiskosninga 14,0 m.kr. rekstrarútgjöld og tekjur og tilfærslu fjárfestinga í vélaskemmu úr Hlíðarfjalli yfir á Fasteignir Akureyrar, samtals 250 m.kr. Lítilsháttar breytingar verða á áætluðum fjármagnsliðum milli fyrirtækja í a-og b- hluta. Rekstrarniðurstaða samstæðunnar hækkar um 634 m.kr. og handbært fé í árslok hækkar um 617 m.kr.

Heimir Örn Árnason kynnti.

Bæjarstjórn samþykkir viðaukann með 11 samhljóða atkvæðum.

Fylgiskjöl

• Viðauki 6 2024.pdf

Liður 3 í fundargerð skipulagsráðs dagsettri 13. nóvember 2024:

Erindi dagsett 31. október 2024 þar sem að Hildur Steinþórsdóttir fh. FÉSTA leggur fram tillögu að breytingu á deiliskipulagi Háskólans á Akureyri til samræmis við niðurstöður samkeppni um uppbyggingu á stúdentagörðum. Í breytingunni er gert ráð fyrir að byggingarmagn lóðar D hækki úr 5.200 fm í 7.400 fm og að byggingar verði þrjár í stað tveggja. Þá er einnig gert ráð fyrir að fjöldi bílastæða miði við 1 bílastæði á hverjar 5 íbúðaeiningar.

Er jafnframt óskað eftir því að lóðagjöld verði reiknuð út frá byggðum fermetrum en ekki út frá hámarksbyggingarmagni lóða.

Skipulagsráð leggur til við bæjarstjórn að hún samþykki framlagða tillögu að deiliskipulagi og að hún verði auglýst skv. 41. gr. skipulagslaga nr. 123/2010.

Afgreiðslu varðandi ósk um að gjaldtaka miðist við byggða fermetra en ekki hámarksbyggingarmagn er frestað.

Hulda Elma Eysteinsdóttir kynnti.

Til máls tóku Andri Teitsson og Jón Hjaltason.

Bæjarstjórn samþykkir framlagða tillögu að deiliskipulagi og að hún verði auglýst skv. 41. gr. skipulagslaga nr. 123/2010.

Fylgiskjöl

• Deiliskipulagsbreyting_ÍB6.pdf
• Erindi_deiliskipulagsstilaga_ÍB6.pdf
• Skýringaruppdráttur_ÍB6.pdf
• d) Hönnuður - umsókn um skipulag

Lögð fram áætlun um fundi bæjarstjórnar 2025.

Halla Björk Reynisdóttir kynnti.

Til máls tók Jón Hjaltason.

Bæjarstjórn samþykkir framlagða fundaáætlun fyrir 2025.

Fylgiskjöl

• Áætlun um fundi bæjarstjórnar 2025.pdf

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.