Bæjarstjórn - 3500

Tekið fyrir erindi Berglindar Óskar Guðmundsdóttur varabæjarfulltrúa D-lista dagsett 7. október 2021 þar sem hún óskar eftir lausn frá störfum í bæjarstjórn Akureyrarbæjar og öðrum störfum á vegum bæjarins vegna starfa á öðrum vettvangi.

Bæjarstjórn samþykkir lausnarbeiðnina með 11 samhljóða atkvæðum.

Fylgiskjöl

• Lausnarbeiðni_Berglind Ósk Guðmundsdóttir 07.10.21.pdf

Tekið fyrir erindi Rósu Njálsdóttur varabæjarfulltrúa M-lista dagsett 14. október 2021 þar sem hún tilkynnir afsögn sína sem fulltrúi Miðflokksins í ráðum og stjórnum á vegum bæjarins, m.a. sem varafulltrúi í bæjarstjórn.

Bæjarstjórn samþykkir lausnarbeiðnina með 11 samhljóða atkvæðum.

Fylgiskjöl

• Afsögn

Tekið fyrir erindi Elíasar Gunnars Þorbjörnssonar dagsett 18. október 2021 þar sem hann biðst undan því að taka sæti varabæjarfulltrúa D-lista.

Bæjarstjórn samþykkir lausnarbeiðnina með 11 samhljóða atkvæðum.

Lögð fram tillaga M-lista um að Karl Liljendal Hólmgeirsson verði varafulltrúi í bæjarráði til loka kjörtímabils í stað Rósu Njálsdóttur.

Bæjarstjórn samþykkir tillöguna með 11 samhljóða atkvæðum.

Lögð fram tillaga M-lista um breytingu á skipan fulltrúa í fræðsluráði.

Hlynur Jóhannsson verði aðalfulltrúi í stað Rósu Njálsdóttur.

Viðar Valdimarsson verði varafulltrúi í stað Hlyns Jóhannssonar.

Bæjarstjórn samþykkir tillöguna með 11 samhljóða atkvæðum.

Lögð fram tillaga D-lista um breytingu á skipan fulltrúa í fræðsluráði:

Heiðrún Ósk Ólafsdóttir verði varafulltrúi í stað Berglindar Óskar Guðmundsdóttur.

Bæjarstjórn samþykkir tillöguna með 11 samhljóða atkvæðum.

Lögð fram tillaga D-lista um breytingu á skipan fulltrúa í stjórn Akureyrarstofu:

Ásgeir Örn Blöndal verði aðalfulltrúi í stað Berglindar Óskar Guðmundsdóttur.

Lára Halldóra Eiríksdóttir verði varafulltrúi í stað Ásgeirs Arnar Blöndal.

Bæjarstjórn samþykkir tillöguna með 11 samhljóða atkvæðum.

Lögð fram tillaga D-lista um breytingu á skipan fulltrúa í heilbrigðisnefnd Norðurlands eystra:

Jóhann Gunnar Kristjánsson verði aðalfulltrúi í stað Önnu Rósu Magnúsdóttur.

Bæjarstjórn samþykkir tillöguna með 11 samhljóða atkvæðum.

Lögð fram tillaga um breytingar á skipan varafulltrúa á ársþing Samtaka sveitarfélaga og atvinnuþróunar á Norðurlandi eystra:

Þórunn Sif Harðardóttir verði varafulltrúi í stað Berglindar Óskar Guðmundsdóttur og Karl Liljendal Hólmgeirsson verði varafulltrúi í stað Rósu Njálsdóttur.

Bæjarstjórn samþykkir tillöguna með 11 samhljóða atkvæðum.

Liður 3 í fundargerð bæjarráðs dagsettri 14. október 2021:

Rætt um drög að gjaldskrá Hlíðarfjalls.

Bæjarráð samþykkir gjaldskrána fyrir sitt leyti með þeim breytingum sem gerðar voru á fundinum og vísar henni til staðfestingar í bæjarstjórn.

Halla Björk Reynisdóttir kynnti tillöguna

Bæjarstjórn samþykkir gjaldskrána með 11 samhljóða atkvæðum.

Fylgiskjöl

• gjaldskrá 2021_2022_Hlíðarfjall_.samþykkt_ bæjarst.pdf

Rætt um skýrslu starfshóps um skilgreiningu á svæðisbundnu hlutverki Akureyrar.

Í umræðum tóku til máls Hilda Jana Gísladóttir, Gunnar Gíslason, Guðmundur Baldvin Guðmundsson, Sóley Björk Stefánsdóttir, Andri Teitsson, Hilda Jana Gísladóttir, Gunnar Gíslason og Halla Björk Reynisdóttir.

Bæjarstjórn Akureyrarbæjar tekur undir niðurstöður starfshóps sem skipaður var til að skilgreina svæðisbundið hlutverk Akureyrar og þá aðaltillögu sem var þar lögð fram. Þá lýsir bæjarstjórn yfir ánægju sinni með markmið C4 „Borgarstefna“ í hvítbók um byggðamál og hvetur Alþingi til að samþykkja markmiðið og samgöngu- og sveitarstjórnarráðuneytið til að hefja hið fyrsta vinnu við umrædda heildarstefnu í samvinnu við Akureyrarbæ og SSNE.

Fylgiskjöl

• Svæðisbundið hlutverk Akureyrar - skýrsla starfshóps.pdf

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.