Bæjarstjórn - 3487

Tekið fyrir erindi Hildar Bettyjar Kristjánsdóttur varabæjarfulltrúa L-lista þar sem hún óskar eftir lausn frá störfum varabæjarfulltrúa vegna búsetu erlendis. Hildur Betty fékk ársleyfi frá störfum varabæjarfulltrúa frá 1. desember 2019 til 1. desember 2020.

Bæjarstjórn samþykkir lausnarbeiðnina með 11 samhljóða atkvæðum og þakkar varabæjarfulltrúa gott samstarf á liðnum árum.

Liður 1 í fundargerð bæjarráðs dagsettri 17. desember 2020:

Lögð fram tillaga að breytingum á reglum um meðferð tölvupósts og netnotkun.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Bæjarráð samþykkir reglurnar fyrir sitt leyti með fimm samhljóða atkvæðum og vísar þeim til afgreiðslu í bæjarstjórn.

Guðmundur Baldvin Guðmundsson kynnti tillöguna.

Bæjarstjórn samþykkir reglurnar með 11 samhljóða atkvæðum.

Fylgiskjöl

• Reglur Akureyrarbæjar um netnotkun og meðferð tölvupósts og skjala á drifum_samþ í bæjarstj 19 01 21.pdf

Liður 7 í fundargerð bæjarráðs dagsettri 14. janúar 2021:

Liður 6 í fundargerð frístundaráðs dagsettri 18. nóvember 2020:

Lagðar fram til samþykktar breytingar á samþykkt um ungmennaráð.

Alfa Aradóttir forstöðumaður forvarnamála, Ellert Örn Erlingsson forstöðumaður íþróttamála og Hrafnhildur Guðjónsdóttir verkefnastjóri barnvæns sveitarfélags sátu fundinn undir þessum lið.

Frístundaráð samþykkir tillögu ungmennaráðs á samþykkt um ráðið og vísar samþykktinni til bæjarráðs.

Málið var áður á dagskrá bæjarráðs 26. nóvember sl. og var þá frestað og vísað til bæjarlögmanns til skoðunar.

Bæjarráð vísar samþykktinni til afgreiðslu í bæjarstjórn.

Eva Hrund Einarsdóttir kynnti tillöguna.

Bæjarstjórn samþykkir framlagða samþykkt fyrir ungmennaráð með 11 samhljóða atkvæðum.

Fylgiskjöl

• Samþykkt fyrir ungmennaráð Akureyrarbæjar_samþ í bæjarstjórn 19 01 21.pdf

Liður 3 í fundargerð skipulagsráðs dagsettri 13. janúar 2021:

Lögð fram að lokinni kynningu skv. 2. mgr. 30. gr. skipulagslaga nr. 123/2010, tillaga að breytingu á aðalskipulagi Akureyrar 2018-2030 sem nær til tjaldsvæðisreits við Þingvallastræti og lóðar nr. 20 við Skarðshlíð. Barst eitt athugasemdabréf og ein umsögn á kynningartíma.

Skipulagsráð leggur til við bæjarstjórn að aðalskipulagsbreytingin verði auglýst skv. 1. mgr. 31. gr. skipulagslaga nr. 123/2010.

Þórhallur Jónsson kynnti tillögu skipulagsráðs.

Bæjarstjórn samþykkir með 11 samhljóða atkvæðum að auglýst verði, skv. 1. mgr. 31. gr. skipulagslaga nr. 123/2010, breyting á aðalskipulagi Akureyrar 2018-2030 sem nær til tjaldsvæðisreits við Þingvallastræti og lóðar nr. 20 við Skarðshlíð.

Fylgiskjöl

• ASK-AK-18-30_Breyting13-Heilsugæslustöðvar_2020-12-03.pdf
• Tjaldsvæðisreitur - Umsögn Minjastofnunar

Liður 7 í fundargerð skipulagsráðs dagsettri 13. janúar 2021:

Erindi dagsett 11. desember 2020 þar sem Norðurtorg ehf. sækir um breytingu á deiliskipulagi fyrir lóðina Austursíðu 2. Í breytingunni felst eftirfarandi:

1. Ný viðbótar aðkoma með inn- og útkeyrslu frá Austursíðu.

2. Byggingareitur aðalbyggingar framlengdur til suðurs, framyfir samþykkt skyggni framan við verslanarýmin.

3. Byggingareitur aðalbyggingar stækkaður fyrir glerbyggingu sem yfirbyggt útisvæði verslunar.

4. Gerður nýr byggingareitur fyrir allt að 300 m² þjónustuhús á lóðarmörkum við Austursíðu.

5. Gerður nýr byggingareitur fyrir svæði fyrir hraðhleðslustöðvar með tilheyrandi spennistöð.

Skipulagsráð leggur til við bæjarstjórn að deiliskipulagsbreytingin verði auglýst skv. 1. mgr. 41. gr. skipulagslaga nr. 123/2010 með smávægilegum lagfæringum á uppdrætti.

Þórhallur Jónsson kynnti tillögu skipulagsráðs.

Bæjarstjórn samþykkir með 11 samhljóða atkvæðum að auglýst verði, skv. 1. mgr. 41. gr. skipulagslaga nr. 123/2010, breyting á deiliskipulagi fyrir lóðina Austursíðu 2, með smávægilegum lagfæringum á uppdrætti.

Fylgiskjöl

• 1931-Dsk-100 (091220).pdf
• 1931-Greinargerð Dsk (091220).pdf
• 10070-Austursida-umferdargreining.pdf
• 1931-Dsk-100 (190121) .pdf

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.