Bæjarstjórn - 3449

Lögð fram tillaga D-lista um breytingu á skipan fulltrúa í fræðsluráði:

Berglind Ósk Guðmundsdóttir tekur sæti varafulltrúa í stað Marsilíu Drafnar Sigurðardóttur.

Bæjarstjórn samþykkir tillöguna með 11 samhljóða atkvæðum.

Lögð fram tillaga V-lista um breytingar á skipan fulltrúa í stjórn Hafnasamlags Norðurlands:

Jana Salóme Ingibjargar Jósepsdóttir verður aðalfulltrúi í stað Edwards H. Huijbens. Sóley Björk Stefánsdóttir verður varafulltrúi í stað Jönu Salóme Ingibjargar Jósepsdóttur.

Bæjarstjórn samþykkir tillöguna með 11 samhljóða atkvæðum.

Bæjarráð samþykkti á fundi sínum 7. febrúar sl. drög að samþykkt fyrir öldungaráð og vísaði þeim til samþykktar í bæjarstjórn. Jafnframt óskaði bæjarráð eftir umsögn öldungaráðs um drögin áður en þau væru lögð fyrir bæjarstjórn.

Öldungaráð tók drögin fyrir á fundi 13. febrúar sl. og bókaði þá eftirfarandi:

Fulltrúar Félags eldri borgara lögðu fram tvær breytingatillögur við samþykktina og voru þær samþykktar. Samþykktinni með áorðnum breytingum er vísað til bæjarstjórnar.

Fulltrúar Félags eldri borgara lýsa ánægju með þær breytingar sem orðið hafa á drögum að samþykkt um öldungaráð. Tekið hefur verið tillit til athugasemda, tillagna, sem við settum fram. Við teljum að samþykktin sé nú mun betri en í upphaflegum drögum og muni auðvelda störf ráðsins.



Halla Björk Reynisdóttir tók til máls og kynnti samþykktina og hvernig var unnið að gerð hennar.

Í umræðum tóku til máls Gunnar Gíslason og Guðmundur Baldvin Guðmundsson.

Bæjarstjórn samþykkir Samþykkt fyrir öldungaráð með 11 samhljóða atkvæðum.

Fylgiskjöl

• Samþykkt fyrir öldungaráð Akureyrarbæjar samþ í bæjarstjórn 19.02.19.pdf

Kosning fulltrúa í nýtt öldungaráð - 3 aðalfulltrúar og 3 til vara.

Lögð fram tillaga um fulltrúa:



Aðalmenn:

Oddur Helgi Halldórsson formaður

Arnrún Halla Arnórsdóttir

Elías Gunnar Þorbjörnsson



Varamenn:

Halla Björk Reynisdóttir

Guðmundur Baldvin Guðmundsson

Guðný Friðriksdóttir

Bæjarstjórn samþykkir tillöguna með 11 samhljóða atkvæðum.

Liður 6 í fundargerð skipulagsráðs dagsettri 13. febrúar 2019:

Lögð fram að nýju tillaga að breytingu á deiliskipulagi akstursíþrótta- og skotsvæðis á Glerárdal í samræmi við beiðni Fallorku ehf., kt. 600302-4180, sem var frestað á fundi skipulagsráðs 30. janúar 2019. Í breytingunni felst að lega göngustígs breytist lítillega á um 1500 m kafla, öryggismörk skotsvæðis minnka auk minniháttar breytinga á legu aðrennslispípu til samræmis við verkhönnun og endanlega legu.

Skipulagsráð leggur til við bæjarstjórn að breytingin verði auglýst skv. 1. mgr. 41. gr. skipulagslaga.



Þórhallur Jónsson tók til máls og kynnti tillögu skipulagsráðs.

Bæjarstjórn samþykkir tillögu skipulagsráðs með 11 samhljóða atkvæðum.

Fylgiskjöl

• Akstursíþrótta- og skotsvæði_dsk-br_svæði Skotfélags Akureyrar og KKA_A2-4000_2018-12-19.pdf
• Minnisblað skotfélags Akureyrar
• Ósk um heimild til að breyta deiliskipulagi vegna stígs á Glerárdal.pdf

Starfsáætlun og stefnuumræða stjórnar Akureyrarstofu.

Hilda Jana Gísladóttir, formaður stjórnar Akureyrarstofu, gerði grein fyrir starfsáætlun stjórnarinnar.

Í umræðum tóku til máls Gunnar Gíslason, Guðmundur Baldvin Guðmundsson, Hilda Jana Gísladóttir, Þórhallur Jónsson, Halla Björk Reynisdóttir, Jana Salóme Ingibjargar Jósepsdóttir, Gunnar Gíslason (í annað sinn), Gunnfríður Elín Hreiðarsdóttir, Guðmundur Baldvin Guðmundsson (í annað sinn), Hlynur Jóhannsson, Hilda Jana Gísladóttir, Þórhallur Jónsson (í annað sinn), Hilda Jana Gísladóttir og Guðmundur Baldvin Guðmundsson (í þriðja sinn).

Fylgiskjöl

• Stefnuraeda formanns stjornar Akureyrarstofu - Baejarstjorn 19 feb 2019.pdf

Umræða um almenningssamgöngur á Akureyri.

Málshefjandi, Gunnar Gíslason, reifaði m.a. þjónustu og notkun strætisvagna á Akureyri.

Í umræðum tóku til máls Andri Teitsson, Halla Björk Reynisdóttir, Guðmundur Baldvin Guðmundsson, Hilda Jana Gísladóttir, Þórhallur Jónsson, Jana Salóme Ingibjargar Jósepsdóttir, Gunnar Gíslason, Hilda Jana Gísladóttir (í annað sinn), Þórhallur Jónsson (í annað sinn), Hlynur Jóhannsson, Halla Björk Reynisdóttir (í annað sinn), Gunnar Gíslason, Guðmundur Baldvin Guðmundsson (í annað sinn), Hilda Jana Gísladóttir (í þriðja sinn), Gunnar Gíslason, Hlynur Jóhannsson (í annað sinn), Halla Björk Reynisdóttir (í þriðja sinn), Hlynur Jóhannsson (í þriðja sinn) og Þórhallur Jónsson (í þriðja sinn).

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.