Bæjarstjórn - 3480

Lögð fram tillaga S-lista um breytingu á skipan fulltrúa í stjórn Akureyrarstofu:

Arnar Þór Jóhannesson verði varafulltrúi í stað Sifjar Sigurðardóttur.

Bæjarstjórn samþykkir tillöguna með 11 samhljóða atkvæðum.

Lögð fram tillaga D-lista um breytingu á skipan fulltrúa í stjórn Akureyrarstofu:

Berglind Ósk Guðmundsdóttir verði aðalfulltrúi í stað Evu Hrundar Einarsdóttur.

Bæjarstjórn samþykkir tillöguna með 11 samhljóða atkvæðum.

Lögð fram tillaga D-lista um breytingu á formennsku í skipulagsráði:

Þórhallur Jónsson D-lista verði formaður í stað Guðmundar Baldvins Guðmundssonar B-lista.

Bæjarstjórn samþykkir tillöguna með 11 samhljóða atkvæðum.

Lögð fram tillaga D-lista um breytingu á skipan fulltrúa í frístundaráði:

Eva Hrund Einarsdóttir verði aðalfulltrúi í stað Berglindar Óskar Guðmundsdóttur. Eva Hrund verði jafnframt formaður ráðsins í stað Önnu Hildar Guðmundsdóttur L-lista.

Bæjarstjórn samþykkir tillöguna með 11 samhljóða atkvæðum.

Lögð fram tillaga B-lista um breytingu á skipan fulltrúa í umhverfis- og mannvirkjaráði:

Tryggvi Már Ingvarsson verði varafulltrúi í stað Ingibjargar Ólafar Isaksen.

Bæjarstjórn samþykkir tillöguna með 11 samhljóða atkvæðum.

Liður 2 í fundargerð bæjarráðs dagsettri 1. október 2020:

Lagður fram viðauki 14.

Kristín Baldvinsdóttir verkefnastjóri á fjársýslusviði sat fundinn undir þessum lið.

Bæjarráð samþykkir viðauka 14 með fimm samhljóða atkvæðum og vísar honum til staðfestingar í bæjarstjórn.

Guðmundur Baldvin Guðmundsson kynnti efni viðaukans.

Bæjarstjórn staðfestir ákvörðun bæjarráðs með 11 samhljóða atkvæðum.

Fylgiskjöl

• Viðauki 14 2020.pdf

Liður 5 í fundargerð bæjarráðs dagsettri 17. september 2020:

Lögð fram tillaga stjórnar Hlíðarfjalls að gjaldskrá Hlíðarfjalls með gildistíma frá hausti 2020 til hausts 2021.

Dan Jens Brynjarsson sviðsstjóri fjársýslusviðs og Kristinn J. Reimarsson sviðsstjóri samfélagssviðs sátu fund bæjarráðs undir þessum lið.

Bæjarráð samþykkir gjaldskrána með fimm samhljóða atkvæðum með þeim breytingum sem gerðar voru á fundinum og vísar henni til staðfestingar í bæjarstjórn.

Halla Björk Reynisdóttir kynnti gjaldskrártillöguna.

Bæjarstjórn samþykkir gjaldskrána með 11 samhljóða atkvæðum með þeim breytingum að afsláttartímabil fyrir vetrar- og skólakort verði til nóvemberloka í stað októberloka. Jafnframt er afsláttur vegna lyftukorta sem samþykktur var í bæjarráði 28. maí 2020 framlengdur til nóvemberloka 2020.

Umræða um nýja samstjórn og samstarfssáttmála bæjarstjórnar.

Halla Björk Reynisdóttir reifaði tildrög samstjórnarinnar og samstarfssáttmálans.

Í umræðum tóku til máls Gunnar Gíslason, Sóley Björk Stefánsdóttir og Hilda Jana Gísladóttir.

Fylgiskjöl

• Samsstarfssáttmáli bæjarstjórnar Akureyrarbæjar 22.09. 2020.pdf

Rætt um fjárhagsstöðu sveitarfélagsins eins og hún lítur út í dag.

Guðmundur Baldvin Guðmundsson fór yfir fjárhagsstöðu bæjarins. Auk hans tók Gunnar Gíslason til máls.

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.