Bæjarstjórn - 3545

Síðari umræða um ársreikning Akureyrarbæjar.

Ásthildur Sturludóttir kynnti.

Ársreikningur Akureyrarbæjar er borinn upp í heild sinni og samþykktur með 11 samhljóða atkvæðum.

Fylgiskjöl

• Ársreikningur samstæðu Akureyrarbæjar 2023-2.5.2024_undirr_bæjarr.pdf
• Ársreikningur 2023 - greinagerð.pdf

Liður 5 í fundargerð bæjarráðs dagsettri 2. maí 2024:

Lagður fram viðauki 2.

Dan Jens Brynjarsson sviðsstjóri fjársýslusviðs og Kristín Baldvinsdóttir forstöðumaður hagþjónustu og áætlanagerðar sátu fund bæjarráðs undir þessum lið.

Bæjarráð samþykkir viðauka 2 og vísar honum til staðfestingar í bæjarstjórn.

Viðaukinn er vegna a) stofnunar og reksturs greiningar- og þjálfunarheimilis fyrir úrræði í barnaverndarmálum á Norðausturlandi, viðbót samtals 26,19 m.kr., b) vegna framkvæmda við gluggaskipti og flóttastiga á Ráðhúsi, samtals 42,0 m.kr. og c) vegna lokauppgjörs á rekstri Iðnaðarsafnsins á Akureyri en Minjasafnið á Akureyri mun taka við rekstrinum næstu þrjú árin, samtals 2,5 m.kr.

Útgjaldaaukning vegna viðaukans er 70,69 m.kr. og er mætt með lækkun á handbæru fé. Samhliða viðauka er gerð tilfærsla á 23,5 m.kr. en aðrar tekjur lækka í aðalsjóði vegna breytinga í fæðissölu um 23,5 m.kr. og samhliða lækka önnur útgjöld um sömu upphæð í aðalsjóði.

Heimir Örn Árnason kynnti.

Til máls tók Sunna Hlín Jóhannesdóttir.

Bæjarstjórn samþykkir viðauka 2 með 11 samhljóða atkvæðum.

Sunna Hlín Jóhannesdóttir B-lista og Alfa Dröfn Jóhannsdóttir B-lista óska bókað:

Við fögnum því að greiningar- og þjálfunarheimili á Akureyri sé að verða að veruleika í samstarfi við mennta- og barnamálaráðuneyti. Hér er verið að bregðast við brýnni þörf fyrir bættum úrræðum í barnavernd á Norðausturlandi þar sem leitast verður við að grípa fyrr inn í mál barna en áður og koma þannig í veg fyrir að vandi þeirra vaxi og kalli á umfangsmeiri úrræði síðar. Þjónustan sem hér á að veita er snemmtæk íhlutun sem mun spara sveitarfélaginu töluverða fjármuni til framtíðar en mikilvægt er þó að muna að betri þjónusta og stuðningur við börn í viðkvæmri stöðu skilar sveitarfélögum meiri velsæld og betri lífsgæðum til framtíðar og þetta er sannarlega gott skref í átt að farsæld allra barna.

Fylgiskjöl

• Viðauki 2 2024.pdf

Lagður fram til síðari umræðu og samþykktar samningur um barnaverndarþjónustu við Langanesbyggð, Norðurþing, Tjörneshrepp og Þingeyjarsveit. Málið var áður á dagskrá velferðarráðs 27. mars 2024 og var fyrri umræða um samninginn í bæjarstjórn 16. apríl 2024, en þá var samningnum vísað til síðari umræðu í bæjarstjórn í samræmi við 18. gr. sveitarstjórnarlaga.

Hulda Elma Eysteinsdóttir kynnti.

Bæjarstjórn samþykkir samninginn með 11 samhljóða atkvæðum og felur lögfræðingi velferðarsviðs að senda samninginn til staðfestingar ráðherra.

Liður 3 í fundargerð skipulagsráðs dagsettri 24. apríl 2024:

Lögð fram tillaga að breytingu á deiliskipulagi Rangárvalla sem felur í sér afmörkun nýrrar 4.029 fm lóðar, Rangárvellir 6, til samræmis við bókun skipulagsráðs frá 15. nóvember 2023.

Skipulagsráð leggur til við bæjarstjórn að fyrirliggjandi tillaga að breytingu á deiliskipulagi Rangárvalla verði auglýst skv. 1. mgr. 41. gr. skipulags- og byggingarlaga nr. 123/2010.

Halla Björk Reynisdóttir kynnti.

Bæjarstjórn samþykkir að fyrirliggjandi tillaga að breytingu á deiliskipulagi Rangárvalla verði auglýst skv. 1. mgr. 41. gr. skipulagslaga nr. 123/2010.

Fylgiskjöl

• 240416-DSK_Rngrvllr-breyting-A2.pdf
• d) Hönnuður - umsókn um skipulag

Liður 5 í fundargerð skipulagsráðs dagsettri 24. apríl 2024:

Lögð fram tillaga að lýsingu deiliskipulags fyrir svæði ofan núverandi byggðar í Hrísey.

Skipulagsráð leggur til við bæjarstjórn að lýsingin verði samþykkt og í kjölfarið kynnt í samræmi við 3. mgr. 40. gr. skipulagslaga nr. 123/2010.

Halla Björk Reynisdóttir kynnti.

Bæjarstjórn samþykkir skipulagslýsingu vegna deiliskipulags fyrir svæði ofan núverandi byggðar í Hrísey og að hún verði kynnt í samræmi við 3. mgr. 40. gr. skipulagslaga nr. 123/2010.

Fylgiskjöl

• Hrisey-dsk-lysing_2024-04-16.pdf

Liður 17 í fundargerð skipulagsráðs dagsettri 24. apríl 2024:

Á fundi skipulagsráðs Akureyrarbæjar þann 31. janúar sl. var afgreidd til bæjarstjórnar að lokinni auglýsingu skv. 1. mgr. 41. gr. skipulagslaga nr. 123/2010 tillaga að breytingu á deiliskipulagi sem nær til lóða við Viðjulund 1 og 2. Bæjarstjórn samþykkti breytinguna á fundi 6. febrúar. Við afgreiðslu málsins láðist að bóka um tillögu að breytingu á deiliskipulagi Furulundar sem auglýst var samhliða. Í þeirri tillögu felst engin efnisleg breyting heldur eingöngu aðlögun á skipulagsmörkum.

Meirihluti skipulagsráð leggur til við bæjarstjórn að tillaga að breytingu á deiliskipulagi við Furulund verði samþykkt og skipulagsfulltrúa falið að sjá um gildistöku hennar.

Jón Hjaltason óflokksbundinn situr hjá við afgreiðslu málsins.

Andri Teitsson kynnti.

Bæjarstjórn samþykkir framlagða tillögu að breytingu á deiliskipulagi við Furulund með 10 atkvæðum og felur skipulagsfulltrúa að annast gildistöku hennar.

Jón Hjaltason óháður situr hjá.

Fylgiskjöl

• DEILISK_12_11_2002_2023_03_01.pdf
• Umsögn skipulagsstofnunar_ málsmeðferð Viðjulundur 1.pdf

Ásthildur Sturludóttir bæjarstjóri fór yfir helstu atriði í störfum sínum frá síðasta fundi bæjarstjórnar.