Bæjarstjórn - 3428

Lögð fram tillaga Æ-lista um breytingu á skipan aðalfulltrúa í fræðsluráði:

Guðmundur Haukur Sigurðsson tekur sæti aðalfulltrúa í fræðsluráði í stað Brynhildar Pétursdóttur.

Bæjarstjórn samþykkir tillöguna með 11 samhljóða atkvæðum.

4. liður í fundargerð bæjarráðs dagsett 11. janúar 2018:

2. liður í fundargerð frístundaráðs dagsett 14. desember 2017:

Umræður um íþróttastefnu og deildarstjóri íþróttamála fór yfir innsendar umsagnir frá hlutaðeigandi aðilum. Frístundaráð þakkar öllum þeim aðilum sem sendu inn athugasemdir við stefnuna. Frístundaráð fagnar að vinnu við stefnuna sé nú lokið og lýsir yfir mikilli ánægju með útkomuna. Frístundaráð samþykkir stefnuna og vísar henni til samþykktar bæjarráðs.

Bæjarráð vísar íþróttastefnu Akureyrarbæjar og ÍBA til ársins 2022 til umræðu og samþykktar í bæjarstjórn.

Bæjarstjórn samþykkir framlagða íþróttastefnu Akureyrarbæjar og ÍBA til ársins 2022 með 11 samhljóða atkvæðum.

Fylgiskjöl

• Stefnumótun - Íþróttamál á Akureyri 2017-2022 - lokaútgáfa.pdf

4. liður í fundargerð skipulagsráðs dagsett 24. janúar 2018:

Erindi dagsett 9. nóvember 2017 þar sem Haraldur S. Árnason fyrir hönd SS Byggis ehf., kt. 620687-2519, sækir um breytingu á deiliskipulagi fyrir lóð nr. 51 við Kjarnagötu. M.a. er sótt um eina innkeyrslu í bílakjallara og minnkun lofthæðar í bílageymslu. Sótt er um aukið nýtingarhlutfall bílakjallara og breytingu á mörkum sérafnotaflata á lóð. Óskað er eftir að byggingarreitur Elísabetarhaga 1 verði færður til á lóðinni og stigahús og svalir Elísabetarhaga 1 og Kjarnagötu 51 megi ná út fyrir byggingarreit ásamt fleiru. Skipulagsráð heimilaði umsækjanda þann 15. nóvember 2017 að leggja fram tillögu að deiliskipulagsbreytingu.

Tillagan er dagsett 13. desember 2017 og unnin af Ómari Ívarssyn, Landslagi.

Erindið var grenndarkynnt þann 15. desember 2017 með athugasemdafresti til 15. janúar 2018. Engin athugasemd barst.

Skipulagsráð leggur til við bæjarstjórn að deiliskipulagstillagan verði samþykkt og sviðsstjóra skipulagssviðs falið að annast gildistöku hennar samkvæmt 42. grein skipulagslaga nr. 123/2010 með síðari breytingum.

Bæjarstjórn samþykkir tillögu skipulagsráðs með 11 samhljóða atkvæðum.

Fylgiskjöl

• Kjarnagata 51_dsk-br_2017-12-13.pdf

5. liður í fundargerð skipulagsráðs dagsett 24. janúar 2018:

Erindi dagsett 7. nóvember 2017 þar sem Þröstur Sigurðsson fyrir hönd Byggingarfélagsins Hyrnu ehf., kt. 710594-2019, leggur fram tillögu að breyttu deiliskipulagi fyrir lóðina Margrétarhaga 2. Óskað er eftir að í stað 5 raðhúsaíbúða verði 6 íbúðir í fjölbýlishúsi með alls 3 bifreiðageymslum þannig að hægt sé að kaupa íbúð með eða án bifreiðageymslu. Skipulagsráð heimilaði umsækjanda þann 29. nóvember 2017 að leggja fram tillögu að breytingu á deiliskipulagi.

Lögð er fram tillaga að breytingu á deiliskipulagi dagsett 13. desember 2017 unnin af Ómari Ívarssyni hjá Landslagi ehf.

Erindið var grenndarkynnt 19. desember 2017 með athugasemdafresti til 16. janúar 2018. Engin athugasemd barst.

Skipulagsráð leggur til við bæjarstjórn að deiliskipulagstillagan verði samþykkt og sviðsstjóra skipulagssviðs falið að annast gildistöku hennar samkvæmt 42. grein skipulagslaga nr. 123/2010 með síðari breytingum.

Bæjarstjórn samþykkir tillögu skipulagsráðs með 11 samhljóða atkvæðum.

Fylgiskjöl

• Margretarhagi 2_dsk-br_2017-12-13.pdf

6. liður í fundargerð skipulagsráðs 24. janúar 2018:

Lögð er fram tillaga að deiliskipulagsbreytingum fyrir Naustahverfi 3. áfanga, Hagahverfi, í samræmi við tillögur skipulagshönnuðar. Tillagan er dagsett 18. janúar 2018 og unnin af Árna Ólafssyni hjá Teiknistofu Gylfa Guðjónssonar og félaga.

Einnig er lagt fram sameiginlegt bréf frá fjölskyldusviði og búsetusviði Akureyrarbæjar um þörf á húsnæði fyrir skjólstæðinga sviðanna.

Skipulagsráð leggur til við bæjarstjórn að tillagan verði auglýst skv. 1. mgr. 43. gr. skipulagslaga nr. 123/2010.

Bæjarstjórn samþykkir tillögu skipulagsráðs með 11 samhljóða atkvæðum.

Fylgiskjöl

• 180119-Hagahv-dsk-breyting-uppkast-A1.pdf

12. liður í fundargerð skipulagsráðs dagsett 24. janúar 2018:

Erindi dagsett 16. janúar 2018 þar sem Þröstur Friðfinnsson fyrir hönd Svæðisskipulagsnefndar Eyjafjarðar leggur fram skipulagslýsingu sem Svæðisskipulagsnefnd Eyjafjarðar hefur unnið vegna fyrirhugaðrar breytingar á svæðisskipulaginu vegna flutningslína raforku, Blöndulínu 3 og Hólasandslínu 3, sbr. 1. mgr. 23. gr. skipulagslaga nr. 123/2010. Í lýsingunni er gerð grein fyrir helstu forsendum, fyrirliggjandi stefnu, umfangi og áherslum umhverfismatsáætlunarinnar og hvernig samráði og kynningu verður háttað. Svæðisskipulagsnefnd leggur lýsinguna fram til samþykktar sveitarstjórna allra sveitarfélaga á skipulagssvæðinu. Lýsingin verður síðan send umsagnaraðilum og kynnt almenningi og öðrum sem hagsmuna eiga að gæta.

Skipulagsráð leggur til að bæjarstjórn samþykki lýsinguna og feli svæðisskipulagsnefnd að kynna hana umsagnaraðilum, almenningi og öðrum hagsmunaaðilum.

Bæjarstjórn Akureyrarkaupstaðar samþykkir lýsinguna með 11 samhljóða atkvæðum og felur svæðisskipulagsnefnd að kynna hana umsagnaraðilum, almenningi og öðrum hagsmunaaðilum.

13. liður í fundargerð skipulagsráðs dagsett 24. janúar 2018:

Lögð er fram skipulagslýsing vegna deiliskipulags fyrir gatnamót við Glerártorg. Skipulagslýsingin er dagsett 17. janúar 2018 og unnin af Jóhönnu Helgadóttur hjá Eflu.

Skipulagsráð felur sviðsstjóra skipulagssviðs að lagfæra skipulagslýsinguna í samræmi við umræður á fundinum og leggur til við bæjarstjórn að skipulagslýsingin þannig breytt verði kynnt almenningi, hagsmunaaðilum og leitað verði umsagnar Skipulagsstofnunar og annarra umsagnaraðila um hana.

Bæjarstjórn samþykkir tillögu skipulagsráðs með 11 samhljóða atkvæðum.

Fylgiskjöl

• 1552-059-SKY-001-V01_Skipulagslýsing.docx

Starfsáætlun og stefnuumræða umhverfis- og mannvirkjaráðs.

Ingibjörg Ólöf Isaksen bæjarfulltrúi og formaður umhverfis- og mannvirkjaráðs gerði grein fyrir starfsáætlun ráðsins.

Almennar umræður.

Fylgiskjöl

• Stefnuræða umh og mannv 20180202 II.docx

Eiríkur Björn Björgvinsson bæjarstjóri fór yfir helstu atriði í störfum sínum síðastliðnar vikur.