Bæjarstjórn - 3358

2. liður í fundargerð skipulagsnefndar dagsett 25. júní 2014:\nTekið fyrir að nýju eftir yfirferð Skipulagsstofnunar sem taldi sig ekki geta tekið afstöðu til deiliskipulagsbreytingarinnar fyrr en hávaði frá stækkuðu akstursíþróttasvæði hefði verið áætlaður. Sú áætlun liggur nú fyrir en Verkfræðistofan EFLA hefur unnið viðauka við fyrri hljóðskýrslu sem kallast Hávaðadreifing frá Endurobraut, dagsetta 25. júní 2014. \nÍ ljósi niðurstöðu hljóðskýrslunnar er varðar deiliskipulagsbreytingu á akstursíþrótta- og skotsvæði á Glerárdal vegna viðbótarsvæðis KKA, er gerð sú breyting að Endurobraut vestan nýs aðkomuvegar að svæðum Skotfélags og KKA er felld út, þar sem hún uppfyllir ekki kröfur um hljóðvist vegna frístundabyggðar í 2. áfanga Hálanda.\nEftirfarandi breytingar hafa verið gerðar á deiliskipulagsuppdrætti dagsettum 25. júní 2014, og í greinargerð frá samþykkt bæjarstjórnar 21. janúar 2014.\n1) Færðar hafa verið inn á uppdrátt hljóðmanir ofan viðbótarsvæðis KKA á móts við 1. áf. Hálanda til þess að uppfylla kröfur um hljóðstig.\n2) Skástrikað svæði á uppdrætti sem sýnt er vestan nýs aðkomuvegar að svæði SA og KKA hefur verið fellt út og er nú skilgreint sem viðbótarsvæði KKA með þeim kvöðum að ekki megi nota það fyrir vélknúin farartæki.\n3) Undirgöng undir nýjan aðkomuveg að svæði KKA og Skotsvæði hafa verið færð inn á uppdrátt.\n4) Texta hefur verið breytt í greinargerð í samræmi við ofangreint, bæði í almennum skýringum og í umhverfisskýrslu.\nSkipulagsnefnd leggur til við bæjarstjórn að deiliskipulagstillagan þannig breytt verði samþykkt og skipulagsstjóra falið að annast gildistöku hennar.

<DIV>Bæjarstjórn samþykkir tillögu skipulagsnefndar með 11 samhljóða atkvæðum.</DIV>

3. liður í fundargerð stjórnar Akureyrarstofu dags. 28. maí 2014:\nLögð fram til endanlegrar staðfestingar stjórnar samþykkt fyrir Sjónlistamiðstöðina á Akureyri.\nStjórn Akureyrarstofu samþykkir drögin fyrir sitt leyti og vísar til staðfestingar í bæjarstjórn.

<DIV>Bæjarstjórn samþykkir framlagða samþykkt fyrir Listasafnið á Akureyri með 11 samhljóða atkvæðum.</DIV>

Lögð fram eftirfarandi tillaga um sumarleyfi bæjarstjórnar Akureyrar 2014: \nÍ samræmi við 4. mgr. 8. gr. og 5. mgr. 32. gr. samþykktar um stjórn og fundarsköp Akureyrarkaupstaðar samþykkir bæjarstjórn að frá 2. júlí til 31. ágúst 2014 verði sumarleyfi bæjarstjórnar. Ekki verða haldnir fundir í bæjarstjórn á framangreindu tímabili nema þörf krefji eða þriðjungur bæjarfulltrúa krefjist þess. Jafnframt er bæjarráði á þessum tíma heimiluð fullnaðarafgreiðsla þeirra mála sem það telur nauðsynlegt að fái afgreiðslu og lög mæla ekki gegn.

Bæjarstjórn samþykkir framlagða tillögu með 11 samhljóða atkvæðum.

Bæjarfulltrúi Njáll Trausti Friðbertsson D-lista óskaði eftir umræðu um umhverfismál á Akureyri.

<DIV>Almennar umræður urðu í kjölfarið.</DIV>

Samstarfssamningur Framsóknarflokksins, L-listans og Samfylkingarinnar um meirihlutasamstarf í bæjarstjórn Akureyrar á kjörtímabilinu 2014-2018.

<DIV>Almennar umræður urðu um samstarfssamninginn. </DIV><DIV> </DIV>

Matthías Rögnvaldsson forseti bæjarstjórnar óskaði eftir að fá að taka til máls kl. 18:10 og tók Sigríður Huld Jónsdóttir 1. varaforseti við stjórn fundarins.$line$Kl. 18:18 tók Matthías Rögnvaldsson forseti bæjarstjórnar aftur við stjórn fundarins.

Eiríkur Björn Björgvinsson bæjarstjóri fór yfir helstu atriði í störfum sínum frá síðasta bæjarstjórnarfundi.

<DIV></DIV>