Bæjarstjórn - 3416

Lögð fram tillaga Æ-lista um breytingu á skipan varafulltrúa í velferðarráði:

Brynhildur Pétursdóttir verður varafulltrúi í stað Valbjörns Helga Viðarssonar.

Bæjarstjórn samþykkir tillöguna með 11 samhljóða atkvæðum.

21. liður í fundargerð skipulagsráðs dagsett 31. maí 2017:

Sviðsstjóri skipulagssviðs lagði fram drög að vinnureglum um bílastæði og úrtök úr kantsteinum.

Skipulagsráð leggur til við bæjarstjórn að framlagðar vinnureglur verði samþykktar.

Bæjarstjórn samþykkir framlagðar vinnureglur um leyfi fyrir bílastæðum og úrtökum í kantsteina með 11 samhljóða atkvæðum.

Fylgiskjöl

• Vinnureglur.doc

1. Kosning forseta bæjarstjórnar.

Við kosningu forseta bæjarstjórnar hlaut bæjarfulltrúi Matthías Rögnvaldsson 9 atkvæði, 2 seðlar voru auðir.



Lýsti forseti Matthías Rögnvaldsson réttkjörinn forseta bæjarstjórnar til eins árs.



2. Kosning 1. og 2. varaforseta bæjarstjórnar.

Við kosningu 1. varaforseta bæjarstjórnar hlaut bæjarfulltrúi Sigríður Huld Jónsdóttir 8 atkvæði, Sóley Björk Stefánsdóttir 1 atkvæði, 2 seðlar voru auðir.



Lýsti forseti Sigríði Huld Jónsdóttur réttkjörna sem 1. varaforseta.



Við kosningu 2. varaforseta bæjarstjórnar hlaut bæjarfulltrúi Gunnar Gíslason 10 atkvæði, 1 seðill var auður.



Lýsti forseti Gunnar Gíslason réttkjörinn sem 2. varaforseta.



3. Kosning 2ja skrifara bæjarstjórnar og 2ja til vara.

Fram kom tillaga með nöfnum þessara aðalmanna:



Ingibjörg Ólöf Isaksen

Preben Jón Pétursson



og varamanna:



Silja Dögg Baldursdóttir

Sóley Björk Stefánsdóttir



Bæjarstjórn samþykkir tillöguna með 11 samhljóða atkvæðum.

Kosning bæjarráðs til eins árs - 5 aðalmenn og 5 til vara.

Fram kom listi með nöfnum þessara aðalmanna:



Guðmundur Baldvin Guðmundsson formaður

Sigríður Huld Jónsdóttir varaformaður

Matthías Rögnvaldsson

Gunnar Gíslason

Sóley Björk Stefánsdóttir

Preben Jón Pétursson áheyrnarfulltrúi



og varamanna:



Ingibjörg Ólöf Isaksen

Dagbjört Elín Pálsdóttir

Silja Dögg Baldursdóttir

Eva Hrund Einarsdóttir

Edward Hákon Huijbens

Þorsteinn Hlynur Jónsson varaáheyrnarfulltrúi



Bæjarstjórn samþykkir tillöguna sem fram kom á listanum með 11 samhljóða atkvæðum.

2. liður í fundargerð bæjarráðs dagsett 18. maí 2017:

Lagður fram viðauki 5.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagðan viðauka 5 og vísar honum til staðfestingar í bæjarstjórn.

Bæjarstjórn samþykkir framlagðan viðauka 5 með 11 samhljóða atkvæðum.

Fylgiskjöl

• 2017 Viðauki 5 v1.pdf

4. liður í fundargerð bæjarráðs dagsett 18. maí 2017:

5. liður í fundargerð umhverfis- og mannvirkjaráðs dagsett 12. maí 2017:

Lögð fram gjaldskrá fyrir endurmælingu bygginga og lóða fyrir árið 2017.

Umhverfis- og mannvirkjaráð samþykkir framlagða gjaldskrá og vísar henni til bæjarráðs.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Bæjarráð samþykkir framlagða gjaldskrá fyrir endurmælingu bygginga og lóða fyrir árið 2017 og vísar henni til staðfestingar í bæjarstjórn.

Bæjarstjórn staðfestir gjaldskrána með 11 samhljóða atkvæðum.

Fylgiskjöl

• Endurmæling gjaldskrá 2017.pdf

Lögð fram eftirfarandi tillaga um sumarleyfi bæjarstjórnar Akureyrarkaupstaðar 2017:

Í samræmi við 4. mgr. 8. gr. og 5. mgr. 32. gr. samþykktar um stjórn og fundarsköp Akureyrarkaupstaðar samþykkir bæjarstjórn að frá og með 1. júlí til og með 31. ágúst 2017 verði sumarleyfi bæjarstjórnar. Ekki verða haldnir fundir í bæjarstjórn á framangreindu tímabili nema þörf krefji eða þriðjungur bæjarfulltrúa krefjist þess. Jafnframt er bæjarráði á þessum tíma heimiluð fullnaðarafgreiðsla þeirra mála sem það telur nauðsynlegt að fái afgreiðslu og lög mæla ekki gegn.

Bæjarstjórn samþykkir framlagða tillögu með 11 samhljóða atkvæðum.

Eiríkur Björn Björgvinsson bæjarstjóri fór yfir helstu atriði í störfum sínum frá síðasta fundi bæjarstjórnar.