Bæjarstjórn - 3378

1. liður í fundargerð skipulagsnefndar dagsett 9. september 2015:

Erindi dagsett 20. febrúar 2014 og 17. febrúar 2015 þar sem Ingólfur Freyr Guðmundsson f.h. SS Byggis óskar eftir breytingu á deiliskipulagi lóðarinnar Undirhlíð 1-3. Skipulagsnefnd heimilaði umsækjanda þann 8. júlí 2015 að leggja fram tillögu að breytingu á deiliskipulagi í samræmi við bókun nefndarinnar.

Tillagan er dagsett 21. ágúst 2015 og unnin af Loga Má Einarssyni hjá teiknistofunni Kollgátu.

Skipulagsnefnd leggur til við bæjarstjórn að tillagan verði auglýst skv. 1. mgr. 43. gr. skipulagslaga nr. 123/2010.

Bæjarstjórn samþykkir tillögu skipulagsnefndar með 11 samhljóða atkvæðum.

2. liður í fundargerð skipulagsnefndar dagsett 9. september 2015:

Staðgengill skipulagsstjóra lagði fram tillögu að skipulagslýsingu á rammahluta aðalskipulags Oddeyrar. Rammaskipulag verður unnið í samræmi við stefnumótun skipulagsnefndar varðandi nýtingu og skipulag Oddeyrar neðan Glerárgötu sunnan Glerár sem bókað var í skipulagsnefnd 29. október 2014. Tillagan er unnin af Lilju Filippusdóttur landslagsarkitekt hjá Teiknistofu Arkitekta, Gylfa Guðjónssyni og félögum ehf., dagsett 24. ágúst 2015.

Skipulagsnefnd leggur til við bæjarstjórn að skipulagslýsingin verði kynnt almenningi og leitað verði umsagnar Skipulagsstofnunar og annarra umsagnaraðila um hana.

Bæjarstjórn samþykkir tillögu skipulagsnefndar með 11 samhljóða atkvæðum.

4. liður í fundargerð stjórnar Akureyrarstofu dagsett 27. ágúst 2015:

Listasafnið á Akureyri hyggst sækja um að verða viðurkennt safn skv. safnalögum. Gera þarf lítilsháttar breytingu á 12. gr. samþykktar safnsins svo þannig megi verða. Þar segir í síðustu málsgrein:

Heimilt er að selja listaverk í eigu safnsins í því skyni að kaupa önnur verk sem þykja æskilegri fyrir það. Sala er þó aðeins heimil með samþykki stjórnar Akureyrarstofu. Óheimilt er að selja eða að láta af hendi verk sem þegin hafa verið að gjöf.

Lagt er til að hún verði svona:

Heimilt er að selja listaverk í eigu safnsins í því skyni að kaupa önnur verk sem þykja æskilegri fyrir það. Sala er þó aðeins heimil með samþykki stjórnar Akureyrarstofu og í samráði við viðkomandi höfuðsafn, samanber 12. grein safnalaga nr. 141/2011. Óheimilt er að selja eða að láta af hendi verk sem þegin hafa verið að gjöf.

Stjórn Akureyrarstofu samþykkir breytinguna fyrir sitt leyti og vísar málinu til umfjöllunar í bæjarstjórn.

Bæjarstjórn samþykkir framlagða breytingu með 11 samhljóða atkvæðum.

Umræður um fjármál sveitarfélaga.

Starfsáætlun og stefnuumræða velferðarráðs.

Sigríður Huld Jónsdóttir bæjarfulltrúi og formaður velferðarráðs gerði grein fyrir starfsáætlun ráðsins.

Almennar umræður.

Eiríkur Björn Björgvinsson bæjarstjóri fór yfir helstu atriði í störfum sínum.