Atvinnumálanefnd - 2

Farið var yfir verkefnalista atvinnustefnu Akureyrar 2014-2021 og rætt um næstu skref í tengslum við forgangsröðun og úrvinnslu verkefna.

Atvinnufulltrúa falið að vinna verkefnalistann áfram og leggja fyrir næsta fund nefndarinnar.

Formaður og atvinnufulltrúi greindu frá íbúafundi sem haldinn var í Grímsey 18. mars 2015. Til íbúafundarins mættu bæjarfulltrúar, embættismenn og framkvæmdastjóri Atvinnuþróunarfélags Eyjafjarðar.

Tekinn var fyrir tölvupóstur dagsettur 31. mars 2015 frá Skúla Gautasyni, framkvæmdastjóra Akureyrarstofu varðandi aðkomu atvinnumálanefndar að Vorkomunni 2015. Á vorkomuninni hafa verið veittar ýmsar viðurkenningar, þar á meðal fyrir vel unnin störf í atvinnulífinu.

Atvinnumálanefnd samþykkir að taka þátt í Vorkomunni 2015. Áfram verður unnið í málinu á næsta fundi nefndarinnar, auk þess sem starfsmanni er falið að ræða við Akureyrarstofu um skiptingu kostnaðar.

Atvinnumálanefnd fór í lok fundarins í heimsókn til Atvinnuþróunarfélags Eyjafjarðar og fékk þar kynningu á starfsemi félagsins og helstu verkefnum þess.

Atvinnumálanefnd þakkar fyrir góðar móttökur og hlakkar til áframhaldandi samstarfs við Atvinnuþróunarfélagið.