Atvinnumálanefnd - 11

Verkefnastjóri atvinnumála greindi frá fundum sem haldnir voru út í Grímsey fyrr í vikunni með fulltrúum útgerða og starfshópi ríkisstjórnarinnar.

Lagður fram samningur vegna stofnunar Hollvinasamtaka Fabey, en tilgangur félagsins er er að koma á fót og reka stafræna smiðju, FabLab í Eyjafirði. Með rekstri á stafrænni smiðju FabLab í Eyjafirði er stefnt á að auka þekkingu skólafólks og almennings á persónumiðaðri framleiðslu og stafrænum framleiðsluaðferðum. Verkefninu er ætlað að auka áhuga á verk- og tækninámi í grunn- og framhaldsskólum, auka almennt tæknilæsi og tæknivitund og efla hæfni til nýsköpunar í námi og atvinnulífi. Markmið verkefnisins er enn fremur að skapa vettvang fyrir nýsköpun og efla samkeppnishæfni fyrirtækja, menntastofnana og nemenda.

Atvinnumálanefnd leggur til við bæjarstjórn að Akureyrarbær taki þátt í stofnun Hollvinasamtaka Fabey.

Þegar hér var komið yfirgaf Stefán Guðnason Æ-lista fundinn kl. 17:00.

Rektor Háskólans á Akureyri, Eyjólfur Guðmundsson, mætti til fundar með atvinnumálanefnd sem ræddi um mikilvægi háskólans sem hluta af atvinnustarfsemi sveitarfélagsins og landsbyggðarinnar allrar.

Atvinnumálanefnd þakkar Eyjólfi fyrir komuna á fundinn.

Atvinnumálanefnd lýsir yfir vonbrigðum með óeðlilega lág framlög til Háskólans á Akureyri, sérstaklega ef miðað er við aðrar háskólastofnanir í landinu.