Bæjarráð - 3725

Lagður fram til kynningar kafli stjórnsýslusviðs í ársskýrslu bæjarins 2020.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Fylgiskjöl

• Stjórnsýslusvið - texti í ársskýrslu 2020.pdf

Farið yfir stöðu verkefna í starfsáætlun stjórnsýslusviðs fyrir árið 2021.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Rætt um stöðu vinnunnar við gerð smáforrits.

Halla Margrét Tryggvadóttir sviðsstjóri stjórnsýslusviðs sat fund bæjarráðs undir þessum lið.

Rætt um stöðu á yfirfærslu reksturs öldrunarheimilanna frá Akureyrarbæ til Heilsuverndar.

Dan Jens Brynjarsson sviðsstjóri fjársýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Lögð fram til kynningar drög að uppfærðum samningi Akureyrarbæjar við Eyjafjarðarsveit, Hörgársveit og Svalbarðsstrandarhrepp um brunavarnir.

Dan Jens Brynjarsson sviðsstjóri stjórnsýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð felur bæjarlögmanni að senda samningsdrögin til samstarfssveitarfélaganna til samþykktar.

Lögð fram til kynningar drög að uppfærðum stofnsamningi Akureyrarbæjar, Grýtubakkahrepps, Svalbarðsstrandarhrepps og Hörgársveitar um Hafnasamlag Norðurlands bs.

Dan Jens Brynjarsson sviðsstjóri fjársýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð felur bæjarlögmanni að senda samningsdrögin til samstarfssveitarfélaganna til samþykktar.

Lagður fram viðauki 2.

Dan Jens Brynjarssons sviðsstjóri fjársýslusviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð samþykkir viðauka 2 með fimm samhljóða atkvæðum og vísar honum til staðfestingar í bæjarstjórn.

Frá því lög um búfjárhald breyttust árið 2013 og Matvælastofnun fór að halda utan um skráningu yfir búfé hefur bærinn verið að leggja búfjárgjald á án lagaheimildar.

Gjaldið hefur verið kr. 3.200 undanfarin fjögur ár, sem þyrfti að endurgreiða, en gjaldendur eru um 170-190 á ári.

Dan Jens Brynjarsson sviðsstjóri fjársýslusviðs, Guðríður Friðriksdóttir sviðsstjóri umhverfis- og mannvirkjasviðs og Inga Þöll Þórgnýsdóttir bæjarlögmaður sátu fund bæjarráðs undir þessum lið.

Bæjarráð samþykkir með fimm samhljóða atkvæðum að endurgreiða búfjárgjald vegna sl. fjögurra ára og felur sviðsstjóra fjársýslusviðs að ganga frá málinu.

Liður 1 í fundargerð umhverfis- og mannvirkjaráðs dagsettri 16. apríl 2021:

Minnisblað dagsett 13. apríl 2021 varðandi framkvæmdir í Holtahverfi lagt fram.

Rut Jónsdóttir forstöðumaður umhverfis- og sorpdeildar og Tómas Björn Hauksson forstöðumaður nýframkvæmda sátu fundinn undir þessum lið.

Umhverfis- og mannvirkjaráð samþykkir að framkvæmdum við Holtahverfi verði flýtt til þess að fyrstu lóðir verði tilbúnar í febrúar 2022. Tilfærslu fjármagns á milli ára vegna flýtingarinnar er vísað til bæjarráðs.

Dan Jens Brynjarsson sviðsstjóri fjársýslusviðs og Guðríður Friðriksdóttir sviðsstjóri umhverfis- og mannvirkjasviðs sátu fund bæjarráðs undir þessum lið.

Bæjarráð samþykkir með fimm samhljóða atkvæðum flýtingu á framkvæmdum í Holtahverfi og felur sviðsstjóra fjársýslusviðs og sviðsstjóra umhverfis- og mannvirkjasviðs að gera tillögu að breytingum á framkvæmdaáætlun sbr. umræður á fundinum og gerð viðauka ef þörf krefur.

Liður 1 í fundargerð umhverfis- og mannvirkjaráðs dagsettri 30. apríl 2021:

Lagður fram samningur um rekstur á tjaldsvæði Akureyrarbæjar að Hömrum.

Rut Jónsdóttir forstöðumaður umhverfis- og sorpdeildar og Tryggvi Marinósson framkvæmdastjóri Hamra sátu fundinn undir þessum lið.

Umhverfis- og mannvirkjaráð samþykkir framlagðan samning með einni breytingu. Ráðið samþykkir að gildistíminn verði 10 ár í stað 20 ára.

Dan Jens Brynjarsson sviðsstjóri fjársýslusviðs og Guðríður Friðriksdóttir sviðsstjóri umhverfis- og mannvirkjasviðs sátu fund bæjarráðs undir þessum lið.

Bæjarráð samþykkir samninginn með breytingum sem gerðar voru á fundinum. Gildistími samningsins verði fimm ár með möguleika á framlengingu til fimm ára. Jafnframt er sviðsstjóra fjársýslusviðs og sviðsstjóra umhverfis- og mannvirkjasviðs falið að ganga frá samningnum.

Lögð fram til kynningar fundargerð 14. fundar öldungaráðs dagsett 3. maí 2021.

Fundargerðir öldungaráðs eru aðgengilegar á eftirfarandi slóð: https://www.akureyri.is/is/stjornkerfi/stjornsysla/fundargerdir/oldungarad-local

Lagt fram til kynningar erindi dagsett 27. apríl 2021 frá velferðarnefnd Alþingis þar sem óskað er umsagnar um frumvarp til laga um fjöleignarhús (rafrænir húsfundir og fjölbreytt húsnæði), 748. mál 2021.

Þess er óskað að undirrituð umsögn berist eigi síðar en 11. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/1270.html

Lagt fram til kynningar erindi dagsett 27. apríl 2021 frá velferðarnefnd Alþingis þar sem óskað er umsagnar um frumvarp til laga um barnaverndarlög (barnaverndarþjónusta, samþætting o.fl.), 731. mál 2021.

Þess er óskað að undirrituð umsögn berist eigi síðar en 5. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/1221.html

Lagt fram til kynningar erindi dagsett 29. apríl 2021 frá utanríkismálanefnd Alþingis þar sem óskað er umsagnar um tillögu til þingsályktunar um stefnu Íslands í málefnum norðurslóða, 750. mál 2021.

Þess er óskað að undirrituð umsögn berist eigi síðar en 11. maí nk. á netfangið nefndasvid@althingi.is.

Þingskjalið er hægt að sækja á vef Alþingis: https://www.althingi.is/altext/151/s/1273.html

Bæjarráð Akureyrarbæjar fagnar því að í stefnu Íslands í málefnum norðurslóða komi fram að efla eigi Akureyri enn frekar sem miðstöð norðurslóðamála á Íslandi, m.a. með stuðningi við mennta- og rannsóknastofnanir og þekkingarsetur, og efla innlent samráð og samstarf um málefni norðurslóða.