Afgreiðslufundur skipulagsstjóra - 555

Erindi dagsett 1. september 2015 þar sem Jóhann Kristinsson f.h. Símans hf., kt. 460207-0880, sækir um uppsetningu fjarskiptaloftnets á þaki húss. nr. 2 við Brekatún. Meðfylgjandi eru teikningar eftir Jóhann Kristinsson.

Staðgengill skipulagsstjóra samþykkir erindið. Setja skal upp viðvörunnarljós á efst á mastrið í samráði við ISAVIA vegna flugöryggis.

Erindi dagsett 24. ágúst 2015 þar sem Aðalbjörg Guðmundsdóttir sækir um að gera bílastæði í suðaustur horni lóðar nr. 2 við Goðabyggð. Meðfylgjandi eru uppdrættir.

Staðgengill skipulagsstjóra samþykkir 6 metra stæði með 7 metra úrtaki. Umsækjandi greiði kostnað vegna færslu á götugögnum, ef með þarf.

Erindi dagsett 25. ágúst 2015 þar sem Stefán Jóhannesson f.h. Bögguls ehf., kt. 531101-2190, sækir um breytingar á áður samþykktum teikningum af húsi nr. 21 við Kaupvangsstræti. Meðfylgjandi eru teikningar eftir Árna Gunnar Kristjánsson.

Staðgengill skipulagsstjóra samþykkir erindið. Bent er á að gera þarf breytingar á eignaskiptasamningi.

Erindi dagsett 14. ágúst 2015 þar sem Tryggvi Tryggvason f.h. Byggingarfélagsins Hyrnu ehf., kt. 710594-2019, sækir um byggingarleyfi fyrir fjölbýlishúsi á lóð nr. 39 við Kjarnagötu. Meðfylgjandi eru teikningar eftir Tryggva Tryggvason. Innkomnar teikningar 27. ágúst 2015.

Staðgengill skipulagsstjóra samþykkir erindið.

Erindi dagsett 18. júní 2015 þar sem Haraldur Árnason f.h. Hjördísar Blöndal sækir um að fá að lyfta þaki húss nr. 1 við Löngumýri. Innkomnar teikningar 3. september 2015.

Staðgengill skipulagsstjóra frestar afgreiðslu með vísan til athugasemda á fylgiblaði.

Erindi dagsett 26. ágúst 2015 þar sem Haraldur S. Árnason f.h. Goðaness ehf., kt. 411206-1140, sækir um byggingarleyfi fyrir geymsluhúsnæði á lóð nr. 16 við Goðanes. Meðfylgjandi eru teikningar eftir Harald S. Árnason.

Staðgengill skipulagsstjóra frestar afgreiðslu með vísan til athugasemda á fylgiblaði.

Erindi dagsett 1. júní 2015 þar sem Samúel Smári Hreggviðsson f.h. Gunnþórs Þórarins Þórarinssonar sækir um breytingar á áður samþykktum teikningum af húsi nr. 1 við Fossatún. Meðfylgjandi eru teikningar eftir Samúel Smára Hreggviðsson. Innkomnar nýjar teikningar 11. ágúst 2015. Innkomið samþykki nágranna 1. september 2015.

Staðgengill skipulagsstjóra samþykkir erindið.

Erindi dagsett 2. júní 2015 þar sem Arnar Gústafsson sækir um stöðuleyfi fyrir matsöluvagn í Hrísey. Hverfisráð Hríseyjar tók erindið fyrir 8. júní 2015 og gefur neikvæða umsögn fyrir söluvagni.

Staðgengill skipulagsstjóra hafnar erindinu með vísun til umsagnar hverfisráðsins.

Erindi dagsett 13. apríl 2015 þar sem Ásbjörn Gíslason og Anna María Sigurðardóttir sækja um stöðuleyfi fyrir bát á lóð nr. 18 við Lerkilund. Meðfylgjandi er afstöðumynd. Þann 16. apríl óskaði skipulagsstjóri eftir rökstuðningi fyrir beiðninni.

Staðgengill skipulagsstjóra hafnar erindinu þar sem rökstuðningur umsækjanda hefur ekki borist.

Erindi dagsett 5.janúar 2015 þar sem Ragnar Hauksson f.h. FISK kompanísins sækir um stöðuleyfi fyrir gám við Kjarnagötu 2. Meðfylgjandi er teikning eftir Egil Guðmundsson.

Staðgengill skipulagsstjóra hafnar erindinu þar sem ekki hefur verið brugðist við áður gerðum athugasemdum við erindið.

Erindi dagsett 28. ágúst 2015 þar sem Tryggvi Tryggvason f.h. Byggingarfélagsins Hyrnunar ehf., kt. 710594-2019, sækir um byggingarleyfi fyrir fjölbýlishúsi á lóð nr. 37 við Kjarnagötu. Meðfylgjandi eru teikningar eftir Tryggva Tryggvason.

Staðgengill skipulagsstjóra frestar afgreiðslu með vísan til athugasemda á fylgiblaði.