Afgreiðslufundur skipulagsstjóra - 606

Erindi dagsett 23. júní 2016 þar sem Dagný Björg Gunnarsdóttir, Urðargili 7 og Stefán Jónsson, Urðargili 9 sækja um úrtöku úr kantsteini fyrir bílastæði á lóðum við íbúðir nr. 7 og 9 við Urðargil 5-7 og 9-11. Meðfylgjandi er mynd.

Skipulagsstjóri frestar erindinu þar sem vinnureglur um bílastæði og úrtök á kantsteini eru í vinnslu.

Erindi dagsett 17. október 2016 þar sem Rögnvaldur Harðarson fyrir hönd HSH verktaka ehf, kt. 500910-0460, sækir um breytingar á gerð útveggja á Krókeyrarnöf 14. Meðfylgjandi eru teikningar eftir Rögnvald Harðarson.

Skipulagsstjóri samþykkir erindið.

Erindi dagsett 24. október 2016 þar sem Björn Þór Guðmundsson fyrir hönd GB bygg ehf., kt. 491208-0900, sækir um leyfi til að staðsetja byggingarkrana 1,8 metrum út fyrir lóðarmörk vegna þrengsla og hárra trjáa við lóðina nr. 126 við Þórunnarstræti. Meðfylgjandi eru teikningar.

Skipulagsstjóri samþykkir erindið með fyrirvara um að girðing umhverfis kranann verði uppi á gangstétt.

Erindi dagsett 18. október 2016 þar sem Sigurður Björgvin Björnsson fyrir hönd BB bygginga ehf, kt. 550501-2280, sækir um leyfi fyrir kerrustæðum fyrir hvora íbúð á lóðinni nr. 9-11 við Jaðarstún samkvæmt meðfylgjandi afstöðumynd.

Skipulagsstjóri frestar erindinu þar sem vinnureglur um bílastæði og úrtök á kantsteini eru í vinnslu.

Erindi dagsett 18. október 2016 þar sem Sigurður Björgvin Björnsson fyrir hönd BB bygginga ehf, kt. 550501-2280, sækir um leyfi fyrir kerrustæðum fyrir hvora íbúð á lóðinni nr. 13-15 við Jaðarstún samkvæmt meðfylgjandi afstöðumynd.

Skipulagsstjóri frestar erindinu þar sem vinnureglur um bílastæði og úrtök á kantsteini eru í vinnslu.

Erindi dagsett 25. október 2016 þar sem Haddur Júlíus Stefánsson fyrir hönd Verkvits húsasmiða ehf., kt. 660314-1640, sækir um að gera endurbætur í kjallara Hafnarstrætis 39 og gera þar íbúð.

Skipulagsstjóri tekur neikvætt í erindið þar sem ekki er heimilt að gera nýja íbúð í kjallara húss sbr. byggingarreglugerð nr. 112/2012, gr. 6.7.4.

Erindi dagsett 6. október 2016 þar sem Tomasz Piotr Kujawski sækir um að hafa söluvagn í Hafnarstræti til að selja kebab og franskar.

Skipulagsstjóri frestar erindinu og óskar eftir nánari gögnum í samræmi við samþykkt Akureyrarkaupstaðar um götu- og torgsölu.

Erindi dagsett 17. október 2016 þar sem Helgi Þórsson sækir um leyfi til að hafa jólamarkað í söluskúr/hjólhýsi við Hafnarstræti norðan við Hafnarstræti 99-101. Sölutími yrði milli kl. 13:00 og 18:00 helgina 10.- 11. desember og dagana 16.- 24. desember 2016.

Skipulagsstjóri samþykkir erindið og að staðsetning verði gerð í samráði við skipulagsdeild.

Erindi frá Zakir Jóni Gazanov þar sem óskað er eftir að fá sérmerkt stæði fyrir fatlaða fyrir framan Hvannavelli 4.

Innkomin staðfesting á örorku.

Skipulagsstjóri samþykkir erindið og felur framkvæmdadeild að setja upp sérmerkingu á bílastæði fyrir fatlaða sem næst inngangi að húsinu.

Erindi dagsett 18. október 2016 þar sem Garðar Halldórsson fyrir hönd Eimskips Ísland ehf., kt. 421104-3520, sækir um leyfi til að breyta skipulagi starfsmannaaðstöðu í Strandgötu lnr. 149566/ Oddeyrarskáli. Meðfylgjandi eru teikningar eftir Garðar Halldórsson.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 17. október 2016 þar sem Bjarni Kristjánsson og Elísabet Guðmundsdóttir sækja um leyfi til að loka yfirbyggðum gangi milli bílskúrs og húss á lóðinni nr. 13 við Beykilund með tveimur hurðum samkvæmt meðfylgjandi teikningu eftir Birgi Ágústsson.

Skipulagsstjóri frestar afgreiðslu með vísan til athugasemda á fylgiblaði.