Afgreiðslufundur skipulagsstjóra - 533

Erindi dagsett 23. mars 2015 þar sem Steingrímur Valur Hallgrímsson sækir um stöðuleyfi fyrir matsöluvagn á Ráðhústorgi. Meðfylgjandi er mynd með staðsetningu.

Skipulagsstjóri frestar erindinu þar sem nú er í vinnslu endurskoðun á reglum um útimarkaði og sölutjöld á Akureyri í miðbænum.

Móttekin tölvupóstur 23. mars 2015 þar sem Margrét Bragadóttir og Bjarni Jakobsson sækja um að setja E-30 gler í glugga hússins nr. 20 við Skálatún sem snýr að skúr á lóðinni sem stendur nær húsinu en þrír metrar. Óskað er eftir 6 mánaða fresti til að framkvæma það.

Skipulagsstjóri samþykkir erindið.

Erindi dagsett þann 25. febrúar 2015 þar sem Ágúst Hafsteinsson f.h. Hagsmíði ehf., kt. 581295-2399, sækir um að gera gistirými á neðri hæð ásamt nýrri útihurð á vesturhlið húss við Strandgötu 11b og Glerárgötu 3b. Meðfylgjandi eru teikningar eftir Ágúst Hafsteinsson.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 9. mars 2015 þar sem Haraldur S. Árnason f.h. TG Eigna ehf., kt. 590214-0350, sækir um breytingar utanhúss á húsi nr. 5 við Skólastíg. Meðfylgjandi eru teikningar eftir Harald S. Árnason.

Skipulagsstjóri samþykkir erindið.

Erindi dagsett 16. mars 2015 þar sem Haraldur S. Árnason f.h. Ásatúns ehf., kt. 410914-1660, sækir um byggingarleyfi fyrir fjölbýlishúsi nr. 40 á lóðinni nr. 40 - 46 við Ásatún. Meðfylgjandi eru teikningar eftir Harald S. Árnason. Innkomnar teikningar 23. mars 2015.

Jafnframt er sótt um heimild til jarðvegsskipta í bílaplani.

Skipulagsstjóri heimilar umsækjenda að hafa jarðvegsskipti í bílaplani en frestar afgreiðslu að öðru leyti með vísan til athugasemda á fylgiblaði.

Erindi dagsett 18. mars 2015 þar sem Tryggvi Tryggvason f.h. B.E. húsbygginga ehf., kt. 490398-2529, sækir um byggingarleyfi fyrir fjölbýlishús nr. 47 á lóðinni nr. 45-47 við Kjarnagötu. Meðfylgjandi eru teikingar eftir Tryggva Tryggvason ásamt gátlista. Jafnframt er sótt um heimild til jarðvegsskipta í bílaplani.

Skipulagsstjóri heimilar umsækjenda að hafa jarðvegsskipti í bílaplani en frestar afgreiðslu að öðru leyti með vísan til athugasemda á fylgiblaði.

Erindi dagsett 19. mars 2015 þar sem Þröstur Sigurðsson f.h. Vélsmiðjunar Ásverks ehf., kt. 590994-2009, sækir um breytingar á áður samþykktum teikningum af Grímseyjargötu 3. Meðfylgjandi eru teikningar eftir Þröst Sigurðsson.

Skipulagsstjóri samþykkir erindið.

Erindi dagsett 17. mars 2015 þar sem Ingólfur Guðmundsson f.h. BB bygginga ehf., kt. 550501-2280, sækir um byggingarleyfi fyrir einbýlishúsi á lóð nr. 8 við Daggarlund. Meðfylgjandi eru teikningar og gátlisti eftir Loga Má Einarsson.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 12. apríl 2013 þar sem Ingólfur Guðmundsson f.h. Fasteigna Akureyrarbæjar, kt. 710501-2380, sækir um leyfi til breytinga innanhúss á gömlu hlöðunni við Litla-Garð við Drottningarbraut til notkunar fyrir leiksýningar og tónlistarflutnings. Meðfylgjandi eru gátlisti og teikningar eftir Loga Má Einarsson. Innkomnar teikningar 13. mars 2015.

Skipulagsstjóri samþykkir erindið.

Erindi dagsett 16. apríl 2012 þar sem Börkur Þór Ottósson f.h. Sæmundar Arnar Pálssonar og Guðbjargar Þóru Ellertsdóttur óskar eftir breyttri notkun á mhl 02 að Brekkugötu 27b sem er í dag skráð sem bílskúr en verður breytt í gistirými. Meðfylgjandi eru teikningar og skráningartafla eftir Börk Þór Ottósson.

Erindinu var frestað 24. apríl 2012. Umsækjandi kom á fund skipulagsstjóra á haustmánuðum 2012 og fékk frest til að skila inn teikningum þar sem búið er að framkvæma þær breytingar sem sótt var um. Nýjar teikningar hafa ekki borist í málinu.

Skipulagsstjóri hafnar erindinu þar sem leiðrétt gögn gögn hafa ekki borist og lofthæð rýmanna ekki í samræmi við kröfur byggingarreglugerðar.

Erindi dagsett 16. mars 2015 þar sem Haraldur S. Árnason f.h. Ullarkistunar ehf., kt. 680995-2229, og AJS fasteigna ehf., kt. 420502-2570, sækir um breytingar á skipulagi 1. hæðar húss nr. 99-101 við Hafnarstræti. Meðfylgjandi eru teikningar eftir Harald S. Árnason. Innkomnar teikningar 24. og 25. mars 2015.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 25. mars 2015 þar sem Bragi Sigurðsson f.h. Framkvæmdasýslu ríkisins, kt. 510391-2259, sækir um framlengingu á stöðuleyfi til eins árs fyrir timburhús í smíðum á lóð nr. 11 við Laufásgötu. Meðfylgjandi er afstöðumynd.

Skipulagsstjóri samþykkir stöðuleyfi til 17. mars 2016.