Afgreiðslufundur skipulagsstjóra - 610

Erindi dagsett 21. nóvember 2016 þar sem Helgi Örn Eyþórsson fyrir hönd SS Byggis ehf., kt. 620687-2519, sækir um afturköllun á byggingaráformum fyrir frístundahúsið nr. 3 við Holtaland.

Skipulagsstjóri samþykkir erindið.

Erindi dagsett 21. nóvember 2016 þar sem Helgi Örn Eyþórsson fyrir hönd SS Byggis ehf., kt. 620687-2519, sækir um afturköllun á byggingaráformum fyrir frístundahúsið nr. 1 við Holtaland.

Skipulagsstjóri samþykkir erindið.

Erindi dagsett 21. nóvember 2016 þar sem Helgi Örn Eyþórsson fyrir hönd SS Byggis ehf., kt. 620687-2519, sækir um afturköllun á byggingaráformum fyrir frístundahúsið nr. 2 við Holtaland.

Skipulagsstjóri samþykkir erindið.

Erindi í tölvupósti dagsettum 17. nóvember 2016 þar sem Egill Guðmundsson fyrir hönd EIK fasteignafélags, kt. 590902-3730, sækir um leyfi til að breikka áður samþykkta skjái á skiltaturni á lóðinni nr. 1 við Gleráreyrar. Breytingin felst í að skjáirnir breikka um 400 mm og verða 2400 mm í stað 2000 mm áður.

Skipulagsstjóri samþykkir erindið. Jafnframt er bent á ákvæði í samþykkt um skilti og auglýsingar í lögsögu Akureyrarkaupstaðar, þar sem segir:

Á flettiskiltum og ljósaskiltum skal ekki líða minna en ein mínúta frá því að ein auglýsing birtist og þar til sú næsta birtist. Það á þó ekki við um tölvustýrð ljósaskilti, sem byggjast á hreyfimyndum.

Erindi dagsett 31. ágúst 2016 þar sem Steinþór Kári Kárason fyrir hönd Fasteigna Akureyrarbæjar, kt. 710501-2380, sækir um viðbyggingu og breytingar á húsum nr. 8-12 við Kaupvangsstræti. Meðfylgjandi eru teikningar eftir Steinþór Kára Kárason.

Skipulagsstjóri frestar afgreiðslu með vísan til athugasemda á fylgiblaði og athugasemda samstarfsnefndar um ferlimál fatlaðra.

Erindi dagsett 15. nóvember 2016 þar sem Tryggvi Tryggvason fyrir hönd Byggingafélagsins Hyrnu ehf, kt. 710594-2019, sækir um byggingarleyfi fyrir Geirþrúðarhaga 8. Meðfylgjandi eru teikningar eftir Tryggva Tryggvason.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 15. nóvember 2016 þar sem Reynir Kristjánsson fyrir hönd Hrafnkels Marinóssonar sækir um byggingarleyfi fyrir viðbyggingu við húsið nr. 66 við Aðalstræti. Meðfylgjandi eru teikningar eftir Reyni Kristjánsson.

Skipulagsstjóri samþykkir erindið.

Erindi dagsett 2. nóvember 2016 þar sem Förli ehf, kt. 560712-1110, og Natten ehf, kt. 530199-2319, sækja um byggingarleyfi fyrir Ráðhústorg 5. Innkomnar teikningar eftir Loga Má Einarsson 15. og 18. nóvember 2016.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 18. nóvember 2016 þar sem Ingólfur Guðmundsson fyrir hönd Akureyri Fish ehf., kt. 430316-0520, sækir um byggingarleyfi á húsi nr. 12 við Skipagötu. Sótt er um að breyta glugga við bakinngang á vesturhlið í sölulúgu. Meðfylgjandi eru teikningar eftir Valþór Brynjarsson og umsögn heilbrigðiseftirlits.

Skipulagsstjóri samþykkir erindið.

Erindi dagsett 17. nóvember 2016 þar sem Fanney Hauksdóttir fyrir hönd Slippsins Akureyri ehf., kt. 511005-0940, sækir um byggingarleyfi fyrir breytingum innanhúss í húsi nr. 20 við Hjalteyrargötu. Meðfylgjandi eru teikningar eftir Fanneyju Hauksdóttur.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 17. nóvember 2016 þar sem Anton Örn Brynjarsson fyrir hönd Slippsins Akureyri ehf, kt. 511005-0940, sækir um byggingarleyfi fyrir Hjalteyrargötu 22. Breyta á innra skipulagi á skrifstofu á 1. hæð og útbúin aðstaða fyrir verkstjóra við stiga og geymsluloft. Meðfylgjandi eru teikningar eftir Fanneyju Hauksdóttur.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 26. ágúst 2016 þar sem Steinmar H. Rögnvaldsson fyrir hönd BB bygginga ehf, kt. 550501-2280, sækir um breytingar á áður samþykktum teikningum af húsi nr. 13-15 við Jaðarstún. Meðfylgjandi eru teikningar og gátlisti eftir Steinmar H. Rögnvaldsson. Innkomnar nýjar teikningar 21. nóvember 2016.

Skipulagsstjóri samþykkir erindið.

Erindi dagsett 23. nóvember 2016 þar sem Anton Örn Brynjarsson fyrir hönd H104 fasteignafélags ehf., kt. 410908-1150, sækir um að flytja björgunarstiga af norðurstafni á austurhlið 2. og 3. hæðar og loka tveimur dyragötum á norðurstafni. Meðfylgjandi eru teikningar eftir Fanneyju Hauksdóttur.

Skipulagsstjóri samþykkir erindið.