Afgreiðslufundur skipulagsstjóra - 586

Erindi dagsett 22. apríl 2016 þar sem Haraldur Árnason f.h. Margrétar Svanlaugsdóttur og Guðmundar Viðars Gunnarssonar sækir um byggingarleyfi fyrir einbýlishúsi á lóð nr. 6 við Daggarlund. Meðfylgjandi eru teikningar eftir Harald Árnason. Innkomnar teikningar 13. maí 2016.

Staðgengill skipulagsstjóra frestar afgreiðslu með vísan til athugasemda á fylgiblaði.

Erindi dagsett 5. apríl 2016 þar sem Egill Guðmundsson f.h. EF1 hf., kt. 681113-0960, sækir um breytingar í verslunarrými 21 á Glerártorgi. Meðfylgjandi eru teikningar eftir Egil Guðmundsson. Innkomnar teikningar 13. maí 2016.

Staðgengill skipulagsstjóra samþykkir erindið.

Erindi dagsett 15. apríl 2016 þar sem Logi Már Einarsson f.h. Furuvalla 7 ehf., kt. 530212-0170, sækir um byggingarleyfi fyrir nýbyggingu við Austurbrú 2-4. Meðfylgjandi eru teikningar eftir Loga Má Einarsson, innkomnar 17. maí 2016.

Staðgengill skipulagsstjóra frestar afgreiðslu með vísan til athugasemda á fylgiblaði.

Erindi frá Pálma Gauta Hjörleifssyni þar sem hann óskar eftir að stækka lóð sína í Vörðutúni 2 til suðurs að gangstétt. Sækir einnig um að byggja skjólvegg til hljóðvarnar við gangstéttarkant.

Þar sem hljóðstig við húsvegg til suðurs mælist yfir viðmiðunarmörkum tekur skipulagsstjóri jákvætt í að umsækjandi byggi léttan skjólvegg við lóðarmörk til vesturs og hálfan meter frá gangstétt við Naustagötu að sunnan. Áður en leyfi verður veitt er óskað eftir gögnum sem sýna útfærslu á skjólveggnum. Erindið er í samræmi við umsókn um lóðarstækkun, sem skipulagsstjóri vísar til skipulagsnefndar.

Erindi dagsett 18. maí 2016 þar sem Michael Jón Clarke sækir um bílastæði á lóð nr. 6 við Grænumýri. Meðfylgjandi er teikning.

Staðgengill skipulagsstjóra samþykkir 3,80 metra stæði enda verði frágangur á lóðarmörkum gerður í samráði við nágranna. Umsækjandi greiði kostnað vegna færslu á götugögnum, ef með þarf.

Erindi dagsett 18. maí 2016 þar sem Skarphéðinn Aðalsteinsson sækir um garðhús við hús nr. 13 í Jörvabyggð. Meðfylgjandi er samþykki nágranna og teikning.

Framkvæmdin er ekki leyfisskyld skv. g-lið, grein 2.3.5. í byggingarreglugerð 112/2012 með síðari breytingum, þar sem fyrir liggur samþykki nágranna.