Afgreiðslufundur skipulagsstjóra - 564

Erindi dagsett 6. nóvember 2014 þar sem Ágúst Hafsteinsson f.h. Hagsmíði ehf., kt. 581295-2359, sækir um breytingar við Glerárgötu 3B (Strandgötu 11B). Meðfylgjandi eru teikningar eftir Ágúst Hafsteinsson. Innkomnar teikningar 13. nóvember 2015.

Staðgengill skipulagsstjóra frestar afgreiðslu með vísan til athugasemda á fylgiblaði.

Erindi dagsett 16. nóvember 2015 þar sem Petar Hristov Slavkov spyrst fyrir um breytta notkun á bílskúr í íbúðarhúsnæði í Ægisgötu 15.

Staðgengill skipulagsstjóra frestar erindinu og óskar eftir frekari upplýsingum frá umsækjanda.

Erindi dagsett 16. júní 2015 þar sem Ingólfur Guðmundsson f.h. R353 ehf., kt. 510412-0360, sækir um byggingarleyfi fyrir breytingum innanhúss á húsi nr. 5 við Ráðhústorg. Meðfylgjandi eru teikningar eftir Loga Má Einarsson. Innkomið samþykki eigenda húsnæðisins 9. nóvember 2015 ásamt tilkynningu um að ekki hafi fengist samþykki meðeiganda fyrir breytingunni. Innkomnar teikningar og hljóðskýrsla 16. nóvember 2015.

Staðgengill skipulagsstjóra samþykkir erindið með fyrirvara um hljóðvarnir með vísun til framlagðrar skýrslu um hávaðaútbreiðslu frá veitingastaðnum hvað varðar aðgerðir til hljóðvarna. Umsækjandi skal láta gera hljóðmælingu í þeim eignum sem tekið er á í skýrslunni ef kvartanir um hávaða koma frá eigendum þeirra.

Erindi dagsett 17. nóvember 2015 þar sem skilað er inn raunteikningum af húsi nr. 16 við Hólabraut eftir Karl Erik Rocksén.

Staðgengill skipulagsstjóra frestar afgreiðslu með vísan til athugasemda á fylgiblaði.

Erindi dagsett 18. nóvember 2015 þar sem Anton Örn Brynjarsson f.h. Trésmiðjunar Barkar ehf., kt. 630186-1619, sækir um breytingar á áður samþykktum teikningum fyrir hús nr. 3-7 við Njarðarnes. Meðfylgjandi eru teikningar eftir Fanneyju Hauksdóttur.

Staðgengill skipulagsstjóra frestar afgreiðslu með vísan til athugasemda á fylgiblaði.