Afgreiðslufundur skipulagsstjóra - 573

Erindi dagsett 2. febrúar 2016 þar sem Guðrún Dóra Clarke og Sveinn Ríkharður Jóelsson spyrjast fyrir um hvort leyfi fengist til að byggja sólskála við Kotárgerði 5. Meðfylgjandi eru rissmyndir.

Skipulagsstjóri óskar eftir betri teikningum til að leggja fyrir skipulagsnefnd.

Erindi dagsett 14. desember 2015 þar sem Logi Már Einarsson f.h. SS Byggis ehf., kt. 620687-2519, sækir um byggingarleyfi fyrir fjölbýlishúsi á lóð nr. 1 við Undirhlíð. Meðfylgjandi eru teikningar eftir Loga Má Einarsson. Innkomnar teikningar 3. febrúar 2016.

Skipulagsstjóri samþykkir erindið. Bent er á kvaðir varðandi jarðvegsframkvæmdir og grundun sbr. ákæði 5.2 í deiliskipulagi. Áður en byggingarleyfi verður gefið út skal umsækjandi leggja fram samning við viðurkenndan sérfræðing um eftirlit með atriðum sem fram koma í ofangreindu ákvæði og áætlun um framkvæmd jarðvegsskipta.

Erindi dagsett 27. janúar 2016 þar sem Kári Magnússon f.h. N10 ehf., kt. 580612-0670, sækir um breytingar á áður samþykktum teikningum af Njarðarnesi 10. Meðfylgjandi eru teikningar eftir Fanneyju Hauksdóttur.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 12. janúar 2016 þar sem Rögnvaldur Harðarsson f.h. Friðbjörns Benediktssonar sækir um leyfi fyrir breytingum við Óseyri 2. Meðfylgjandi eru teikningar eftir Rögnvald Harðarsson. Innkomnar teikningar 27. janúar 2016.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 29. janúar 2016 þar sem Ágúst Hafsteinsson f.h. Magnus Opus ehf., kt. 470714-0850, sækir um breytingar á áður samþykktum teikningum fyrir Krókeyrarnöf 21. Meðfylgjandi eru teikningar eftir Ágúst Hafsteinsson.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 7. febrúar 2016 þar sem Guðríður Friðriksdóttir f.h. Akureyrarkaupstaðar kt. 410169-6229, sækir um leyfi til að rífa hús á lóðinni nr. 7 við Gránufélagsgötu.

Skipulagsstjóri samþykkir erindið. Bent skal á að umsækjandi skal tilkynna byggingarstjóra og tilkynna heilbrigðiseftirliti og vinnueftirliti um framkvæmdina sbr. reglugerð nr. 705/2009.

Erindi dagsett 19. janúar 2016 þar sem Þröstur Sigurðsson f.h. Heiðguðbyggis ehf., kt. 610711-0570, Gersemi Þröstur, kt. 529556-0289, og Hörgárbraut ehf., kt. 421111-1110, sækir um breytingar á rými 0101 og til bráðabirgða á rýmum 0124 og 0117. Meðfylgjandi eru teikningar eftir Þröst Sigurðsson. Innkomnar teikningar 3. febrúar 2016.

Skipulagsstjóri samþykkir breytingar á rými 0101 og samþykkir breytingar á rýmum 0124 og 0117 tímabundið til fimm ára.

Erindi dagsett 3. febrúar 2016 þar sem Þröstur Sigurðsson f.h. Reita I ehf., kt. 510907-0940, sækir um breytingar á áður samþykktum teikningum af Hrísalundi 5. Meðfylgjandi eru teikningar eftir Þröst Sigurðsson.

Skipulagsstjóri frestar afgreiðslu með vísan til athugasemda á fylgiblaði.

Erindi dagsett 19. janúar 2016 þar sem Gísli Kristinsson f.h. Fasteigna Akureyrarbæjar, kt. 710501-2380, sækir um breytingar á áður samþykktum teikningum af kjallara Þórunnarstrætis 99, er varðar loftræsiklefa og ræstingaraðstöðu. Meðfylgjandi eru teikningar eftir Gísla Kristinsson. Innkomnar teikningar 9. febrúar 2016.

Skipulagsstjóri samþykkir erindið.