Afgreiðslufundur skipulagsstjóra - 608

Erindi dagsett 3. nóvember 2016 þar sem Steinmar Rögnvaldsson fyrir hönd Bjarkarness ehf., kt. 671107-0710, leggur inn fyrirspurn um uppsetningu á iðnaðarhurð á húsi nr. 6e við Fjölnisgötu. Meðfylgjandi er samþykki meðeigenda fyrir hurðinni.

Skipulagsstjóri tekur jákvætt í erindið en mælst er til að útlit hurðar verði í samræmi við útlit í bili h. Sækja þarf um byggingarleyfi ásamt aðaluppdráttum.

Erindi dagsett 4. nóvember 2016 þar sem Friðþór Smárason leggur inn fyrirspurn um breytta skráningu á bílskúr sem er skráður sem verslun, verði skráður sem íbúðarrými.

Skipulagsstjóri hafnar erindinu þar sem lofthæð í núverandi bílgeymslu leyfir ekki innréttingu íbúðarrýmis. Þar sem ekki er verslun í rýminu verður skráningu breytt í bílgeymslu sbr. samþykktar teikningar.

Erindi dagsett 7. nóvember 2016 þar sem Þórir Guðmundsson fyrir hönd Harrys Ólafssonar og Ásdísar Ívarsdóttur sækir um byggingarleyfi fyrir breytingum á þaki á húsi nr. 3 við Grænumýri. Innkomnar nýjar teikningar eftir Þóri Guðmundsson.

Skipulagsstjóri samþykkir erindið.

Erindi dagsett 18. október 2016 þar sem Garðar Halldórsson fyrir hönd Eimskip Ísland ehf., kt. 421104-3520, sækir um leyfi til að breyta skipulagi starfsmannaaðstöðu í Strandgötu lnr. 149566 - Oddeyrarskáli. Meðfylgjandi eru teikningar eftir Garðar Halldórsson. Innkomnar nýjar teikningar 8. nóvember 2016.

Skipulagsstjóri samþykkir erindið.

Erindi dagsett 3. nóvember 2016 þar sem Haraldur S. Árnason fyrir hönd G32 fasteigna ehf., kt. 590516-0140, sækir um breytingar á áður samþykktum teikningum af viðbyggingu við Glerárgötu 32. Meðfylgjandi eru teikningar eftir Harald S. Árnason.

Skipulagsstjóri samþykkir erindið.

Erindi dagsett 19. október 2016 þar sem Anton Örn Brynjarsson fyrir hönd Grand ehf., kt. 670295-3119, sækir um breytingar á áður samþykktum teikningum af Skipagötu 5. Um er að ræða breytingu á fyrirhugaðri notkun 1. hæðar úr veitingahúsi í verslun. Meðfylgjandi er gátlisti og teikningar eftir Fanneyju Hauksdóttur. Innkomnar teikningar 31. október 2016.

Skipulagsstjóri samþykkir erindið.

Erindi dagsett 4. nóvember 2016 þar sem Ásgeir Högnason og Sigurlaug Indriðadóttir sækja um að gera bílastæði á norðurhluta lóðarinnar nr. 15 við Helgamagrastræti. Meðfylgjandi er mynd.

Skipulagsstjóri frestar erindinu þar sem vinnureglur um bílastæði og úrtök á kantsteini eru í vinnslu. Jafnframt óskar embættið eftir skriflegu samþykki meðeigenda í húsinu.